Art MacCormaig

Tha Art MacCormaig (1965-) (Beurla: Arthur Cormack) ’na sheinneadair Ghàidhlig agus ceòladair bho Phort Rìgh san Eilean Sgitheanach.

Art MacCormaig
Beatha
Breith Port Rìgh, 1965
Dùthaich  Alba
Foghlam
Cànain Beurla
Gàidhlig
Dreuchd
Dreuchd seinneadair agus neach-ciùil
Fastaichean Fèisean nan Gàidheal
Duaisean a fhuaras
Inneal-ciùil guth

Bha e ’na chathraiche air Bòrd na Gàidhlig bho 2009 (cathraiche eadraiginn bho 2008[1]) gu ruige am Màrt 2012. Tha e air a bhith ’na stiùiriche air Fèisean nan Gàidheal fad iomadh bliadhna. Chaidh urram OBE a bhuileachadh air ann an Urraman na Callainne 2015 airson a sheirbheisean dha foghlam Gàidhlig.[2]

Rugadh agus thogadh Art ann am Port Rìgh, agus air sgàth ’s gu robh a phiuthair màthar Connie agus a bhràthair màthar Ronnie a’ seinn aig Mòdan, thòisich esan ri seinn cuideachd, agus bhuannaich e am Bonn Òr aig a’ Mhòd Nàiseanta nuair a bha e 18. Às dèidh sin, tha e air a bhith a’ nochdadh ann an iomadh consairt agus air TBh ’s rèidio, agus a’ dèanamh mòran chlàir - uaireannan ag obair leis fhèin, uaireannan còmhla ri cuid dhe na seinneadairean agus dhen luchd-ciùil traidiseanta as ainmeile san t-saoghal.

Iomraidhean
  1. Bòrd na Gàidhlig (fios naidheachd air Riaghaltas na h-Alba, 2008-07-01, air a tharraing 2013-12-13
  2. BBC:Naidheachdan: Urraman na Callainne do Ghàidheil, 2014-12-3, air a tharraing 2015-01-051

Ceanglaichean a-mach
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.