Almaty

‘S e am baile as motha ann an Casachstan a tha ann an Almaty.[1] (cànan kazakh: Алматы). Eadar 1921 agus 1991 bha e na phrìomh-bhaile aig àm Kazakh Soviet Socialist Republic agus an uair sin ann am Poblachd Kazakhstan (1991 gu 1998). Eadhon ged an do ghluais an cùmhachd poileataigeach gu Astana ann an 1998, ‘s e Almaty cridhe malairteach na dùthcha fhathast. Gus na 1980 bha gu bhith 50% de mhuinntir a’ bhaile nan Ruiseach. Ach dh’fhàg iad aig àm neo-eisimeileachd Chasachstain.[2]

Almaty Bratach a' bhaile Gearradh-arm no Seula
Suidheachadh
Dùthaich	Casachstan
Co-chomharran	43° 15' N, 76° 55' O
Feartan fiosaigeach
Farsaingeachd	324.8 km²
Àireamh-shluaigh	1,226,300 (2005)
Dlùths	3,775.55/km²
Duilleag oifigeil	www.almaty

Tha Almaty na laighe anns an earra-dheas na Casachstain, faisg air crìochan Cirgiostàn agus 300 cilemeatair bhon chrìochan Sìneach. Tha am baile suidhichte aig cois na ruith bheanntan Tian Shan – Transili-Alatau. Tha an t-ainm Almaty a’ ciallachadh: "beairteach le ubhlan".

Anns na sgìrean timcheall air Almaty tha ubhlan riasgail (Malus sieversii) a’ fàs. Tha luchd rannsachadh ag smaoineachadh gur e sin an t-ubhal as sine air feadh an t-Saoghail agus gu bheil na h-ubhlan anns an latha an-diugh a’ buntainn don àite sin. Thàinig an t-ainm bho Alma-Ata, ainm a bha na Ruiseach a’ cleachdadh airson Almaty: "алма" (ubhal) agus "ата" (seanair), ach canar gun do rinn iad mearachd leis an eadar-theangachadh.