Uachtar reoite
Is bia é uachtar reoite nó reoiteog a itear go forleathan timpeall na cruinne é. Déantar le uachtar, bainne, uibheacha, siúcra agus purée torthaí, más gátar sin, é. Reoitear na comhábhair agus coimeadtar reoite i gcónaí iad. Bíonn teocht íseal ag uachtar reoite nuair a itear é. Braitheann uigeacht an uachtair reoite ar cé chomh fuar is atá sé. Má tá sé fíor-reoite, beidh sé crua, ach má thosaíonn sé ag téamhú, tosóidh sé ag leá agus beidh uigeacht bog aige agus is furast le dhuine é a scaobadh ansin.
 | |
| Sonraí | |
|---|---|
| Cineál | frozen dessert (en)  , creamy dessert (en) agus soft cow dairy product (en) |
| Príomh-chomhábhair | bainne |
Is iomaí cineál agus blasanna uachtar reoite atá ann. Is féidir comhábhair éagsúla a chumasc leis an oideas bunaidh. Is féidir torthaí, seacláid, brioscáin, milseáin, cnónna, taifí, caife, alcól is araile a mheascadh leis an uachtar reoite chun blasanna agus dathanna éagsúla a thabhairt dó.
Stair
Ní fios go díreach cé a d’airg uachtar reoite[1]. B’fhéidir gurbh iad muintir na Síne a d’airg é, chomh luath le 3,000 R.C.
Is dócha gur tháinig nós an uachtair reoite ón tSín chun na Eorpa sna Meánaoiseanna. In imeacht aimsire, bhí tóir ar uachtar reoite i gcúirteanna ríoga na Fraince agus na hIodáile.
Ansin leath an nós go Stáit Aontaithe Mheiriceá. Nuair a bhí cuisneoirí agus reoiteoirí ar fáil go forleathan, bhí sé níos éasca uachtar reoite a dhéanamh.
Nósanna
Is deas an só é uachtar reoite, go háirithe ar lá te samhraidh.
Is nós le daoine é a ithe mar mhilseog tar éis béile a chaitheamh. Is féidir freisin uachtar reoite a ithe in aonar am ar bith mar smailc i rith an lae, nó nuair a mbíonn daoine ag breathnú ar scannáin.
Tá cáil faoi leith ar an uachtar reoite a dhéantar san Iodáil. Síltear gurb é an uachtar reoite is fearr ar domhan. Gelato a ghlaonn muintir na hIodáile ar uachtar reoite.