Treasa Ní Cheannabháin
Rugadh agus tógadh Treasa Ní Cheannabháin i gCill Chiaráin i gConamara, ach tá sí ina cónaí le roinnt mhaith blianta anois i mBearna. Chaith sí an chuid is mó dá saol ag múineadh scoile.
| Beathaisnéis | |
|---|---|
| Breith | 1953 70/71 bliana d'aois Cill Chiaráin, Éire  |
| Gníomhaíocht | |
| Gairm | amhránaí |
| Teangacha | An Ghaeilge agus Béarla |
| Uirlis | Ceol gutha |
| Teaghlach | |
| Páiste | Róisín Elsafty, Naisrín Elsafty |
.svg.png.webp){kind=logo} | |
Tá sí ag casadh amhráin ó bhí sí ina cailín beag bídeach agus chuir sí suim mhór san amhránaíocht ar an sean nós i dtús na 70óidí nuair a chuaigh sí ag an Oireachtas i mBaile Átha Cliath.
Bhain sí amach a lán duaiseanna san amhránaíocht ar an Sean Nós, ag féilte, fleadhanna agus an t-Oireachtas. Bhuaigh sí Corn na mBan i 1995 agus an dara h-áit i gCorn Uí Riada sa mbliain céanna. Tá go leor ceárdlainn amhránaíocht ar an Sean Nós tugtha aici ag féilte síos thríd na blianta. Ina measc; scoil Acla, Féile Joe Éiniú, Scoil Dhúglais De hÍde agus thar lear.
Tá Treasa pósta le Dr. Elsafty ón Éigipt. Tá triúr iníon agus mac amháin acu agus tá amhráin ar an sean nós ar a dtoil ag na cailíní (féach ar Róisín Elsafty agus Naisrín Elsafty) agus duaiseanna bainte amach acu ag ríar mhaith féilte agus fleadhanna ó bhí siad an–óg.
Gníomhaí ar son chearta an duine
Is gníomhaí cearta daonna í Treasa Ní Cheannabháin agus tá go leor dá hama tugtha aici chun aird a tharraingt ar chás truamhéileach na bPalistíneach agus tugann sí turais rialta don Phalaistín go háirid go Gaza. Tá amhráin cumtha ag Treasa Ní Cheannabháin faoin Iaráic agus an Phalaistín. Sa bhliain 2008 coinneáladh Treasa Ní Cheannabháin agus a iníon, Naisrín Elsafty, tamall i nGaza tar éis dóibh éalú thar teorainn isteach ón Éigipt le hairgead a bailíodh in Éirinn do theaghlaigh Phalaistíneacha.[1]
Dioscliosta
- Irlande: L’art du Sean-Nós, Róisín Elsafty & Treasa Ní Cheannabháin (Buda Musique 92711-2)
Scannánliosta
| Bliain | Teideal | Ról | Nótaí |
|---|---|---|---|
| 2014 | An Bronntanas | Mary | |
Tagairtí
- BBC News - ’Irishwoman to face military court’ - Feabhra 2008 Breathnaíodh air ar 6 Iúil 2011