Móilín

Is éard is móilín ann ná an cáithnín is lú a fhaightear go nádúrtha d'aon dúil nó comhdhúil. I gcás cuid de na dúile, is é an t-adamh féin an móilín, mar shampla héiliam (He) is neon (Ne). I gcásanna eile, tá dhá adamh sa mhóilín, mar shamplaí hidrigin (H), nítrigin (N) is ocsaigin (O). Cuirtear an t-eolas seo in iúl tríd an iarfhoscript 2 a scríobh leis an tsiombail, mar seo: H2, N2, O2. Ina lán ábhar eile ar comhdhúile iad, bíonn níos mó ná adaimh dúile amháin greamaithe dá chéile. I móilín uisce, mar shampla, tá dhá adamh hidrigine i dteannta adamh amháin ocsaigine: mar sin, scríobhtar an tsiombail d'uisce mar H2O. Tá ábhair eile fós ann ina bhfuil na mílte adamh i ngach móilín, mar shampla, próitéiní, carbaihiodráití, DNA is a lán eile.[1]

Móilíní

Tugtar ceimic mhóilíneach nó fisic mhóilíneach ar na heolaíochtaí a bhaineann leis an ábhar seo, ag brath ar chlaonadh an fhócais.

Tagairtí
  1. Hussey, Matt (2011). "Móilín". Fréamh an Eolais. Coiscéim. p. 465.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.