Eoin P. Ó Murchú

Scoláire, scríbhneoir, aistritheoir, agus gníomhaí ildánach ar son na Gaeilge is ea Eoin P. Ó Murchú. Is as Baile Átha Cliath dó ó dhúchas.[1]

Infotaula de personaEoin P. Ó Murchú
Beathaisnéis
Faisnéis phearsanta
Scoil a d'fhreastail sé/síAn Coláiste Ollscoile, Baile Átha Cliath Cuir in eagar ar Wikidata
Gníomhaíocht
Gairmiriseoir, aistritheoir Cuir in eagar ar Wikidata
FostóirNós
Tuairisc.ie Cuir in eagar ar Wikidata
Ball de
TeangachaAn Ghaeilge
IMDB: nm14559911 Twitter: murchadhmor Instagram: murchadhmor Youtube: UCuA6ubnAp4A2pEWFiQEnRaQ GitHub: epomurchu Cuir in eagar ar Wikidata

Scríbhneoireacht

Tá go leor altanna, scéalta, agus léirmheasanna foilsithe aige i nuachtáin agus irisí Gaeilge: Tuairisc.ie[2], RTÉ[3], Comhar[4], Nós[5], agus Léann Teanga: An Reiviú[6]. Déanann sé físeáin ar YouTube agus TikTok ar bhonn rialta freisin.

Sa bhliain 2020, d'fhoilsigh Leabhar Breac Tinte na Farraige Duibhe, aistriúchán Gaeilge a rinne Ó Murchú ar úrscéal le Tim Armstrong dar teideal Air Cuan Dubh Drilseach — an chéad úrscéal ficsin eolaíochta i nGaeilge na hAlban. Ainmníodh an t-aistriúchán ar ghearrliosta Ghradam de Bhaldraithe sa bhliain 2021.[7]

Obair acadúil

Cháiligh Ó Murchú mar dhochtúir leighis sa Choláiste Ollscoile, Baile Átha Cliath in 2013.[8] Sa bhliain 2016, bhain sé céim mháistreachta amach sa Scríobh agus Cumarsáid na Gaeilge, le tráchtas dar teideal ‘Nach do reub an cuan’ Inneall hibrideach aistriúcháin a úsáid mar chéim réamhaistriúcháin chun prós cruthaitheach a aistriú ó Ghaeilge na hAlban go Gaeilge na hÉireann, faoi stiúir an Ollaimh Máire Ní Annracháin.[9] Tá sé i mbun dochtúireachta san aistriúchán liteartha faoi láthair in Ollscoil Mhaigh Nuad, faoi stiúir an Ollaimh Fionntán de Brún.[8]

Gníomhaíochtaí eile

Bhí Ó Murchú ar dhuine de bhunaitheoirí an chlub CLG Na Gaeil Óga in 2010, cumann lán-Ghaeilge i mBaile Átha Cliath.

Bhí sé ina bhall den fhoireann a d'aistrigh Gmail go Gaeilge in 2014.[10].

Sa bhliain 2013, bhunaigh Ó Murchú agus Andy Ó Faoláin GaelGÁIRÍ, oíche fhuirseoireachta Ghaeilge. Eagraítear GaelGÁIRÍ i mBaile Átha Cliath de ghnáth, ach cuirtear ar siúl é i bhféilte éagsúla timpeall na tíre freisin. Sa bhliain 2014, ghlac Ó Múrchú páirt sa gcomórtas teilifíse An Gaeilgeoir is Greannmhaire ar TG4, ag críochnú sa dara háit.

In 2022, fuair sé páirt i ndráma teilifíse Gàidhlig ar BBC Alba darb ainm An Clò Mòr.[11]

Duaiseanna
  • Duais Uí Dhoibhlin agus Scoláireacht do mháistreacht san Aistriúchán agus san Eagarthóireacht
  • Duais de Bhaldraithe do Léann na Gaeilge agus Scoláireacht do chúrsa máistreachta, COBÁC
  • Bonn Óir na Gaeilge agus Buanghradam Gaeilge an Bhráthair Uí Dhúgáin, Coláiste Eoin, Stigh Lorgan
  • Duais Oireachtais d’Aiste Leighis[8]

Naisc sheachtracha

Tagairtí
  1. Áine Ní Dhonnaile (2022-01-26). "Agallamh quickfire – Eoin P. Ó Murchú". Dáta rochtana: 2023-04-21.
  2. "Eoin P. Ó Murchú". Dáta rochtana: 2023-04-21.
  3. "Eoin P. Ó Murchú". Dáta rochtana: 2023-04-21.
  4. "Eoin P. Ó Murchú". Dáta rochtana: 2023-04-21.
  5. "Eoin P. Ó Murchú". Dáta rochtana: 2023-04-21.
  6. Eoin P. Ó Murchú (2020). "Léirmheas: Le Ton beau de Marot: In Praise of the Music of Language". Dáta rochtana: 2023-04-21.
  7. "Duais de Bhaldraithe" (2021-08-17). Dáta rochtana: 2023-04-21.
  8. "Mic léinn taighde". Dáta rochtana: 2023-04-21.
  9. "Cumann Léann na Litríochta". Dáta rochtana: 2023-04-21.
  10. Éanna Ó Caollaí (2014-12-11). "Seol teachtaireacht - Gmail now available as Gaeilge". Dáta rochtana: 2023-04-21.
  11. Ciarán Dunbar (2023-01-11). "Tar éis dom a bheith ar YouTube, is réalta teilifíse anois mé". Dáta rochtana: 2023-04-21.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.