Camille Pissarro
Ealaíontóir impriseanaíoch Francach a rugadh i St Thomas sna hIndiacha Thiar ab ea Camille Pissarro (10 Iúil 1830 – 13 Samhain 1903). Ceannasaí ar na himpriseanaithe ó thús, an t-aon duine ar léiríodh saothar leis ag gach ceann de 8 léiriú an ghrúpa i bPáras (1874–1886).[1]
A óige
Rugadh agus tógadh Pissarro ar St. Thomas sna hIndiacha Thiar na Danmhairge (Oileáin Mheiriceánacha na Maighdean innu). Bhí náisiúntacht Fhrancach agus Dhanmhargach aige.
Bhí siopa crua-earraí ag a thuismitheoirí. Portaingéalach, a rugadh in Bordeaux na Fraince, ab ea a athair agus Giúdach ab ea a mháthair. Dhiúltaigh an tsionagóg áitiúil a bpósadh a aithint ar feadh seacht mbliana mar ba chleamhnaithe de nia agus d'aintín iad. Bhí ar a gcuid páistí, Camille san áireamh, freastal ar scoil do pháistí gorma (níos déanaí, nuair a d'éag athair Pissarro, d'fhág sé a hacmhainn le huacht do dhá phobal ar an oileán: leath don phobal Giúdach agus leath don phobal Protastúnach).
D'imigh Camille Pissaro go dtí an Fhrainc sa bhliain 1842, agus é 12 bhliain d'aois chun dul ar scoil in Passy, in aice le Páras.
Saothar
Ghlac Pissaro leis na prionsabail ghinearálta a bhain leis an Impriseanachas. Ba iad Claude Monet, Pierre-Auguste Renoir agus Camille Pissaro na healaíontóirí a bhí mar cheartlár na gluaiseachta [2] Ach ag an am céanna d’fhorbair Pissaro a stíl phearsanta féin.
![](../I/Camille_Pissarro_039.jpg.webp)
![](../I/Camille_Pissarro_-_Orchard_with_Flowering_Trees%252C_Spring%252C_Pontoise.JPG.webp)
Bás agus oidhreacht
Bhí a chuid súl lag i rith a bhlianta deireanacha, agus chuir solas na gréine isteach air. Bhí air fanacht taobh istigh agus é ag péinteáil.
Seipsis ba thrúig bháis dó ar 13 Samhain 1903 agus in aois 73 bliain dó.
Gailearaí
- Nature morte, 1867,
Toledo, Musée d'art de Toledo. - Bois de châtaigniers en hiver, Louveciennes, c. 1872, Fondation Bemberg.
- Paysanne poussant une brouette, 1874
(Maison Rondest, Pontoise). Stockholm, Nationalmuseum. - Le Jardin à Pontoise, 1877,
collection particulière. - La Récolte, Pontoise, 1880,
collection particulière. - La Moisson, 1882,
Tokyo, musée d'art Bridgestone. - Félix en jupe 1883
Fondation Bemberg, Toulouse. - Bergère rentrant des moutons, 1886,
Norman (Oklahoma) - Boulevard Montmartre, printemps, 1897,
Jerusalem, Iarsmalann Israël. - Rouen, rue de l'Épicerie, 1898,
Norman (Oklahoma)
Tagairtí
- Hussey, Matt (2011). "Camille Pissarro". Fréamh an Eolais. Coiscéim. p. 521.
- Ciara Nic Gabhann (2002). "Taispeántas na nImpriseanaithe i sciathán nua Ghailearaí Náisiúnta na hÉireann" (ga). Beo!. Dáta rochtana: 2020-11-13.
![]() | Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |