Boris Becker

Strapaire fir a bhí ann, gan ag Becker ach aois buachalla scoile (in aois 17 bliain dó) nuair a tharraing sé aird an domhain air féin ar an bplásóg cháiliúil féir sin in iardheisceart Londain don chéad uair sa bhliain 1985.[2]

'Boris Becker, 2018

Rinneadh stair ar an An Domhnach, 7 Iúil 1985 mar gurbh é Boris Becker an t-imreoir ab óige riamh le Craobh Wimbledon a chrochadh leis. Chloígh Becker an fear ón Afraic Theas a raibh an-bharúil dó, Kevin Curren sa chluiche ceannais. bhuaigh sé 6-3,6-7,7-6,6-4 agus é £130,000 níos saibhre dá bharr.[2]

Bhuaigh Becker Wimbledon arís i 1986 agus don uair dheiridh i 1989. Bhuaigh sé trí mhórchomórtas leadóige eile agus Bonn Óir Oilimpeach.

Díol suntais ab ea an luas a chuirfeadh sé faoi liathróid le linn a chuid seirbheála, go minic é sa bhreis ar 210 km san uair.[2]

'Boris Becker, 2019

Thabharfá suntas freisin dá shlacht, dá airde, dá ghuaillí, dá lúthchleasaíocht agus dá ghluaiseacht coirp.

Cuimhneofar freisin ar shearradh fisiciúil na colainne agus é á chaitheamh féin trasna na cúirte geall leis le go mbéarfadh a raicéad ar liathróid a shílfeá a bhí ag imeacht uaidh go dtí an nóiméad deireanach.

Ba mhaith ann an 'Becker Hecht' agus an leasainm 'Baron Von Slam' an eangaigh tuillte go maith aige.[2]

An oiread lena chaidreamh le mná, is ar éigin a raibh Becker mórán ní ab fhearr lena chuid airgid. Gach ar thuill sé (breis is $25m a deirtear) i gcaitheamh a chuid imeartha, ceaptar gur beag más tada é a bhí fágtha aige sna 2000idí.

Bhí an t-ádh air sa bhliain 2002 nach ndeachaigh sé i bpríosún nuair a dhaor Cúirt i Munich sa Ghearmáin é i seachaint chánach. Bhí 2 bhliain gearrtha air an tráth sin i 2002 ach níor chaith sé lá sa phríosún, fíneáil €500,000 buailte air ina áit.[2]

I 2015 tugadh Becker chun cúirte; banc príobháideach a bhí i gceist agus é ráite aige go raibh £14m dlite dó ó Becker.

Sa bhliain 2022, bhí téarma príosúin 2.5 bliain gearrtha ar Becker as a chuid téarmaí féimheachta a shárú. Cuireadh é chun príosún ar feadh 2.5 bliain inniu ag Cúirt Chorónach Southwark i Londain ó fuarthas ciontach é i gcúiseanna a bhain lena féimheacht sa bhliain 2017.[1]

Ciontaíodh Boris Becker in iasacht bainc luach €825,000 a choimeád i bhfolach chomh maith le scaireanna luach 75,000 i gcomhlacht teicneolaíochta. Bhain an cás in aghaidh an iar-réalt leadóige leis an gcúis nár nochtaigh sé go hiomlán a chuid sócmhainní, nuair a fógraíodh bancbhriste an fear i 2017.