Anna Heussaff
Scríbhneoir Éireannach is ea Anna Heusaff, a rugadh sa bhliain 1957.
  | |
| Beathaisnéis | |
|---|---|
| Breith | 1957 66/67 bliana d'aois |
| Gníomhaíocht | |
| Gairm | scríbhneoir |
Saol
Is Bleá Cliathach í Heussaff. Conallach ba ea a máthair agus Briotánach ba ea a hathair, a raibh Briotáinis aige ón gcliabhán.[1] D'fhreastail sí ar Scoil Mhuire agus ar Scoil Chaitríona. Ansin ghnóthaigh sí BA sa Ghaeilge agus sa Stair, agus MA sa Nua-Ghaeilge i gColáiste na hOllscoile, BÁC, agus Ard-Teastas san Oideachas i gColáiste na hOllscoile, Gaillimh. Chaith sí tréimhsí ag obair le daoine gan dídean sa Bhreatain agus ansin ag obair le RTÉ. Tá sí ag obair mar scríbhneoir ó 2002 i leith. D'éírigh go maith lena húrscéalta agus tá mórdhuaiseanna bainte amach aici i gComórtais Liteartha an Oireachtais.
Simon Brooke ab ainm dá fear céile, a cailleadh sa bhliain 2019. Conall is ainm dá mac.
Saothar
Úrscéalta
- Sárú (Cló Iar-Chonnacht, 2017)
- Scáil an Phríosúin (Cló Iar-Chonnacht, 2015)
- Hóng (Cló Iar-Chonnacht, 2012)
- Buille Marfach (Cló Iar-Chonnacht, 2010)
- Cúpla Focal (Cois Life, 2007)
- Vortex (Cois Life, 2006)
- Bás Tobann, (Baile Átha Cliath: Cois Life, 2004)
Staidéar acadúil
- Filí agus Cléir san Ochtú hAois Déag (Baile Átha Cliath: An Clóchomhar, 1992)
Eile
- Deadly Intent (Severn House 2014), aistriúchán a rinne Heussaff ar a húrscéal féin Buille Marfach faoin ainm cleite Anna Sweeney.
- Leabhar Mór an Cheoil (Futa Fata, Dorling Kindersley 2011), aistriúchán ó Bhéarla ar leabhar tagartha do léitheoirí óga.
- Leabhar Mór na hEalaíne (Futa Fata, Dorling Kindersley 2010), aistriúchán ó Bhéarla ar leabhar tagartha do léitheoirí óga.
- The Irish for Multicultural aiste sa chnuasach Who Needs Irish?, Ciarán Mac Murchaidh, eag. (Veritas, 2004)
Naisc sheachtracha
- Clár raidió faoi Heussaff Curtha i gcartlann 2008-09-05 ar an Wayback Machine
- Cois Life: Anna Heussaff Curtha i gcartlann 2007-11-18 ar an Wayback Machine