Éire Óg
Bhí Éire Óg[1] ina ghluaiseacht pholaitiúil agus chultúrtha sna 1840idí a throid ar son neamhspleáchas na hÉireann. Bhí baint ag ceannairí na gluaiseachta leis an nuachtán seachtainiúil The Nation a céadfhoilsíodh i mBaile Átha Cliath sa bhliain 1842. Chuir siad i gcoinne Ghluaiseacht na hAisghairme (a bhunaigh Dónall Ó Conaill i 1830) mar gheall ar chléiriúlachas agus ar mheon comhréitigh an ghrúpa sin. Sa bhliain 1848, nuair ba mheasa an Gorta Mór, rinne lucht Éire Óg iarracht ar éirí amach mar rogha an díogha. Gabhadh ceannairí an éirí amach agus díbríodh as Éirinn iad. Tar éis sin, scoilt an ghluaiseacht idir an dream a bhí ar son na láimhe láidre, réamhtheachtaí Bhráithreachas Phoblacht na hÉireann, agus iad siúd a bhí ag iarraidh “Cumann Thuaidh-Theas” a thógáil a cheanglódh páirtí neamhspleách parlaiminteach le hagóidíocht ar son leasú chóras an talún.
|
|||||
| Mana | A Nation Once Again  | ||||
|---|---|---|---|---|---|
| Sonraí | |||||
| Cineál | gluaiseacht pholaitiúil | ||||
| Idé-eolaíocht pholaitíochta | náisiúnachas | ||||
| Ailíniú polaitíochta | ar chlé ón lár | ||||
| Foirm dlí | |||||
| Dáta a bunaíodh | 1842 | ||||
| Dáta díscaoilte, díothaithe nó scartáilte | 1849 | ||||
Tagairtí
- ““Éire Óg” | téarma.ie”. Téarma.ie: An Bunachar Náisiúnta Téarmaíochta don Ghaeilge. An Coiste Téarmaíochta. Dáta rochtana: 2024-01-31.