Wjerkôgers
In wytsturthart (Odocoileus virginianus).
In wytsturthart (Odocoileus virginianus).
Taksonomy
ryk:dieren (Animalia)
stamme:rêchstringdieren (Chordata)
ûnderstamme:wringedieren (Vertebrata)
klasse:sûchdieren (Mammalia)
skift:evenhoevigen (Artiodactyla)
(sûnder rang):baarch- en walfiskeftigen
   (Artiofabula)
(sûnder rang):walfiskeftigen en wjerkôgers
   (Cetruminantia)
ûnderskift:wjerkôgers (Ruminantia)
Scopoli, 1777

De wjerkôgers (wittenskiplike namme: Ruminantia) foarmje in ûnderskift fan 'e klasse fan 'e sûchdieren (Mammalia) en it skift fan 'e evenhoevigen (Artiodactyla). It meast karakteristike skaaimerk fan 'e soarten dy't ta dizze groep hearre, is dat se iten dat se al trochslokt hawwe, letter wer opbringe om it nochris op 'e nij te kôgjen, in ferskynsel dat wjerkôgjen neamd wurdt. Dêrby moat wol opmurken wurde dat net alle wjerkôgjende bisten ta de taksonomyske groep fan 'e wjerkôgers hearre; kamieleftigen, bygelyks, dy't ta de ylpoatigen (Tylopoda) hearre, wjerkôgje nammentlik ek.

De wjerkôgers falle útinoar yn twa tuskenskiften, te witten de hoarnleazen (Tragulina) en de hoarndieren (Pecora). Fan 'e hoarnleazen hat inkeld de famylje fan 'e dwerchharten (Tragulidae) noch libbene soarten. De hoarndieren omfiemje in folle gruttere groep bisten, wêrûnder de kobisten, skiep en geiten, harten, antilopen en sjiraffen.

Klassifikaasje

  • ûnderskift wjerkôgers (Ruminantia)
    • tuskenskift hoarnleazen (Tragulina)
      • famylje Amphimerycidae †
      • famylje Archaeomerycidae †
      • famylje dwerchharten (Tragulidae): 6 soarten
      • famylje Hypertragulidae †
      • famylje Lophiomerycidae †
      • famylje Prodremotheriidae †
      • famylje Protoceratidae †
      • famylje Praetragulidae †
    • tuskenskift hoarndieren (Pecora)
      • famylje Gelocidae †
      • famylje harteftigen (Cervidae): 49 soarten
      • famylje holhoarnigen of hoarnfee (Bovidae): 135 soarten
      • famylje Hoplitomerycidae †
      • famylje Leptomerycidae †
      • famylje muskusharten (Moschidae): 7 soarten
      • famylje Palaeomerycidae †
      • boppefamylje sjirafeftigen (Giraffoidea)
        • famylje Climacoceratidae †
        • famylje gaffelantilopen (Antilocapridae): 1 soarte
        • famylje sjiraffen en okapys (Giraffidae): 5 soarten
Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.