Willem Bernhard Kloos (Batavia, Nederlânsk-Ynje, 21 maart 1904 – Den Dolder, 24 novimber 1960), yn de literatuer ornaris oantsjut as W.B. Kloos, wie in Nederlânsk arsjitekt.

Kloos studearre oan de Technyske Hegeskoalle Delft, dêr't er yn 1929 it eksamen foar boukundich yngenieur behelle. [1] Hy wie dêrnei yn tsjinst by de gemeente De Haach as yngenieur by de tsjinst stedsûntwikkeling en folkshúsfêsting. Yn 1941 waard er beneamd ta haad fan de planologyske ôfdieling fan de Rykstsjinst foar it Nasjonale Plan, [2] in soarte fan nasjonaal bestimmingsplan dêr't it inisjatyf fan al yn de jierren 30 nommen wie.

Fan 1946 ôf wie Kloos yn tsjinst by de Nederlandse Spoorwegen, as haad fan de stêdeboukundige ôfdieling. Hy hold him dwaande mei de fraachstikken om it opheffen fan lykflierske krusings yn stêden as Eindhoven, Leien, Rotterdam en Venlo. Fan 1954 ôf oan wied er dwaande mei it ûntwerp fan in rige standerdisearre stasjonsgebouwen (standerttype Vierlingsbeek). De gebouwen tsjinnen faak as ferfanging foar ferâldere stasjonsgebouwen út de 19e iuw, mar waarden ek by nij oanleine (foarstêds)stasjons set.

Untwurpen stasjonsgebouwen

Stasjon Wijlre-Gulpen
Stasjon Koudum-Molkwar
  • Stsjion Vierlingsbeek (twadde gebou, 1956, sloopt 2004)
  • Stasjon Almelo de Riet (1957)
  • Stasjon Wezep (tredde gebou, 1957, sloopt 2002)
  • Stasjon Koudum-Molkwar (twadde gebou, 1958, sloopt 1991)
  • Stasjon Velsen Zeeweg (1958)
  • Stasjon Doetinchem West (1959)
  • Stasjon Klarenbeek (twadde gebou, 1959)
  • Koog Bloemwijk (1959, sloopt 1989)
  • Stasjon Wijlre-Gulpen (twadde gebou, 1959)
  • Stasjon Zwolle Veerallee (twadde gebou, 1959, sloopt 2000)
  • Stasjon Blerick (tredde gebou, 1960, sloopt 2001)
  • Stasjon Kerkrade Centrum (twadde gebou, 1960, sloopt 1995)
  • Stasjon Soest Zuid (twadde gebou, 1963)
  • Stasjon Hurdegaryp (twadde gebou, 1964)
  • Stasjon Bovenkarspel-Grootebroek (twadde gebou, 1965)
  • Stasjon Hoogkarspel (twadde gebou, 1965)

Literatuer

Boarnen, noaten en/as referinsjes:
  1. ↑ Delftsch Volksblad, 23 maart 1929, s. 1
  2. ↑ Haagsche Courant, 11 july 1941, Derde blad, s. 1
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.