| Disney Studios Australia | ||
 | ||
| algemien | ||
| nasjonaliteit | .svg.png.webp){kind=small} Austraalje | |
| type | privaat | |
| sektor | tillefyzje- en filmyndustry | |
| fêstige yn | Gold Coast (Queenslân) | |
| oprjochte | 1986 | |
| oprjochter | Dino De Laurentiis | |
| mem | Village Roadshow | |
| offisjele webside | ||
| www.movieworldstudios.com.au | ||
| kaart | ||
  Lokaasje yn 'e Gold Coast.
| ||
De Village Roadshow Studios binne in studiokompleks yn 'e Gold Coast, yn it súdeasten fan 'e Australyske steat Queenslân. It bedriuw waard yn 1986 oprjochte troch de Italjaansk-Amerikaanske filmprodusint Dino De Laurentiis en kaam yn 1988 yn 'e hannen fan it Australyske bedriuw Village Roadshow. Yn 'e Village Roadshow Studios binne in grut tal films en tillefyzjesearjes opnommen, wêrûnder Aquaman, Thor: Ragnarok en The Shallows. De Village Roadshow Studios foarmje ien fan 'e trije grutte filmstudiokompleksen fan Austraalje, njonken de Disney Studios Australia yn Sydney en de Docklands Studios yn Melbourne.
Skiednis
It studiokompleks dat no de Village Roadshow Studios hjit, waard yn 1986 oprjochte troch de Italjaansk-Amerikaanske filmprodusint Dino De Laurentiis foar syn De Laurentiis Entertainment Limited (DEL). Yn 1988 waard DEL oernommen troch it Australyske bedriuw Village Roadshow, wêrnei't it kompleks syn hjoeddeistige namme krige. It studiokompleks waard earder boud as it oanbuorjende ferdivedaasjepark Warner Bros. Movie World, dat út 1991 datearret. De Studio Tour-rûnlieding fan it ferdivedaasjepark die yn 't earstoan ek it studiokompleks oan. Nettsjinsteande de fysike neite en de operasjonele bannen tusken it studiokompleks en it ferdivedaasjepark hawwe it lykwols altyd ferskillende bedriuwen west.
Yn 2004 briek der ûnder de opnamen fan 'e film House of Wax brân út yn Soundstage 8, wêrby't dat hiele gebou ferlern gie. Yn 2018 waarden de grutte soundstages fan 'e Village Roadshow Studios ynset as sportakkomodaasjes foar de Mienebêstspullen fan 'e lannen en territoaria fan it Britske Mienebêst, dy't dat jiers yn 'e Gold Coast holden waarden. Dêrfoar waarden de soundstages tarist mei tribunes foar publyk, sadat in maksimum fan 6.200 taskôgers de eveneminten besykje koene dy't dêr holden waarden, te witten: it boksen en it tafeltennis.
Fasiliteiten
De Village Roadshow Studios omfetsje njoggen soundstages fan ferskate grutte. Der binne ek trije wettertanks (ien binnendoar en twa bûtendoar), wêrûnder de grutste filmwettertank fan Austraalje. Fierders beskikt it kompleks oer klaaikeamers en romten foar fisazjy en hierstilearring, fiif wurkplakken foar bgl. de produksje fan dekôrstikken, twa garderôbes mei waskerettes foar kostúms, kantoarromte, bergings, fasiliteiten foar postproduksjewurk lykas filmmontaazje en previewfertoanings, en in special effects-studio.
Produksjes
Films
In seleksje fan films dy't alteast foar in diel yn 'e Village Roadshow Studios opnommen of produsearre binne:
Tillefyzje
In seleksje fan tillefyzjesearjes dy't alteast foar in diel yn 'e Village Roadshow Studios opnommen of produsearre binne:
- Paradise Beach (1993–1994)
- Beastmaster (1999–2002)
- H2O: Just Add Water (2006–2010)
- Animalia (2007–2008)
- Sea Patrol (seizoen 2, 2008–2009)
- Terra Nova (2011)
Keppelings om utens
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |