Trasyske See
geografy
type wetter	rânesee
lokaasje	tusken it Grykske skiereilân Atos en it Turkske skier- eilân Gallipoli yn
lân	Grikelân Turkije
koördinaten	40°22′N 25°10′E
ûnderdiel fan	Egeyske See

De Trasyske See (Gryksk: Θρακικό Πέλαγος, Thrakiko Pelagos; Turksk: Trakya Denizi), is it uterste noarden fan 'e Egeyske See. De Trasyske See (neamd nei de âlde lânstreek Traasje) wurdt yn it noarden begrinzge troch de Trasyske kust (sawol fan it Grykske West-Traasje as it Turkske East-Traasje); yn it westen troch de eastkust fan it skiereilân Atos, de meast eastlike fan 'e trije "fingers" fan it gruttere skiereilân Chalkidike; yn it easten troch de westkust fan it (Turkske) skiereilân Gallipoli; en yn it suden troch in tinkbyldige line dy't fan 'e útein fan Gallipoly nei de útein fan Atos rint. De Grykske eilannen Thasos en Samothraki lizze yn 'e Trasyske See, wylst it Turkske eilân Gökçeada (Gryksk: Imbros) oan 'e súdlike râne leit. De grutste havenstêden oan 'e Trasyske See binne Alexandroupolis en Kavala, beide yn Grikelân.