Transfiguraasjetsjerke Церковь Преображения Господня
Lokaasje
lân	Ruslân
oblast	Irkûtsk
plak	Irkûtsk
koördinaten	52° 17' N 104° 18' E
Arsjitektuer
arsjitekt	Anton I. Losev
boujier	1795-1811
boustyl	barok
monumintale status	Monumint fan federaal belang
monumintnûmer	3810009000
Webside
preobrazhensky.prihod.ru
Kaart

De Tsjerke fan de Transfiguraasje fan de Hear (Russysk: Церковь Преображения Господня) is in barokke tsjerke yn Irkûtsk, Ruslân.

Skiednis

Mei de bou fan de tsjerke waard yn 1795 útein set nei't twa keaplju mei in foarse donaasje de bou mooglik makken. Oannommen wurdt dat de bou útfierd waard troch de Irkûtske arsjitekt Anton Losev. Op 6 augustus 1811 waard de tsjerke ynwijd, in gebou mei fierder ienfâldige gevels sûnder in soad dekoraasjes dy't barokke motiven mei klassisistyske eleminten hawwe.

Yn 'e midden fan 'e 19e iuw krige de tsjerke jild fan in bewenner fan Irkûtsk om de stiennen ôffreding mei getten izerwurk om de tsjerke oan te lizzen. Ek waard it houten dak fan de tsjerke ferfongen troch in metalen dak.

De tsjerke waard by de ferfolging fan de Russysk-otterdokske Tsjerke op 4 septimber 1940 as ien fan de lêsten sletten. Doe't er sluten wie, waard de tsjerke brûkt foar argiven en as biblioteek.

Sûnt it jier 2000 is de tsjerke wer iepen foar de earetsjinst.

Desimbristen

Bekende parochianen fan de tsjerke wiene de desimbristen prins Sergej Volkonsky en prins Sergei Petrovitsj Trûbezkoj. Sergei Volonski troude yn de Transfiguraaasjetsjerke mei Elena, in dochter fan de desimbrist Michail Küchelbecker. Oare bekende desimbristen as Pjotr Mûchanov († 1854) en Nikolai Papov († 1850) waarden fanút de tsjerke begroeven.