Tim Prins
persoanlike bysûnderheden
echte nammeTim Prins
bertedatum3 augustus 2003
berteplakDe Jouwer
sportive ynformaasje
sportreedriden
ûnderdielLangebaan

Tim Prins (De Jouwer, 3 augustus 2003) is in Fryske hurdrider fan De Jouwer. [1] Prins is hikke en tein op De Jouwer en folge it fuortset ûnderwiis oan de OSG Sevenwolden op It Hearrenfean.

Yn 2022 die hy op iisbaan Kardinge yn Grins mei oan it Nederlânsk Kampioenskip allround foar junioaren (kategory A). Hy waard efter Joep Wennemars twadde op de 500 en 1500 meter, fyfde op de 3000 meter en seisde op de 5000 meter. [2]

Yn it seizoen 2022-2023 ried er al in tal Worldcups en yn jannewaris fan dat jier wûn hy in brûnzen medalje by it WK Allround foar junioren yn Innsbruck. Op de 500 meter waard hy fyfde. [3] Op de 1.000 meter wûn hy sulver en mei Junior TeamNL pakte er goud op de ploegenefterfolging [4]

Yn 2023 makke er de oerstap fan it KNSB Talint Team Noard fan Gewest Fryslân nei Reggeborgh, it team fan Gerard van Velde. De persoanlike begelieding en de oanpak fan de treners joegen betrouwen. Prins rjochtet him op de sprint en de middellange ôfstannen. Yn 2023 wûn hy de 1.000 meter by it World Cup-kwalifikaasjetoernoai op Thialf yn It Hearrenfean en pleatste him dêrmei foar de wrâldbekerwedstriden. Mei in tiid fan 1.07,96 skerpe er syn persoanlike rekôr oan mei 1,18 sekonden. [5]

Ein desimber waard er op it NK Ofstannen mei 34,98 sekonden as snelste tiid njoggende op de 500 meter. Syn persoanlike rekôr fan 1.07,52 op de 1000 meter betsjutte in sulveren medalje efter winner Jenning de Boo. Prins kwalifisearre him dêrmei foar de WK Ofstannen.

Medaljes by de Junioaren

  • 500 m: Brûns
  • 1000m: Sulver en Brûns
  • 1500 m: Goud
  • Team persuit: Goud en Sulver
  • Team Sprint: Sulver
  • Allround: Sulver en Brûns
Boarnen, noaten en/as referinsjes:
Referinsjes
  1. ↑ Tim Prins schaatst op 1.000 meter naar WK-brons, grootfryslân.nl, 22 jannewaris 2022
  2. ↑ Jouster is zilveren junior NK allround schaatser, JouwJoure, 9 jannewaris 2022
  3. ↑ Prins bekroont sterk seizoen met de wereldtitel en mengt zich in strijd om allroundtitelschaatsen.nl, 28 jannewaris 2022
  4. ↑ www.schaatsen.nl
  5. ↑ Prins stunt met zege en wereldbekerticket 1.000 meter, Roest wint ook 10.000 meter, NOS.nl, 29 oktober 2023
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.