Thiadsvind (677 - ?), faak oantsjut mei de namme dy't de Franken foar har hiene: Theudesinda of Theudesinde, wie in dochter fan 'e Fryske kening Redbad. Sy troude yn 711 mei Grimoald[1], âldste oerlibbene soan fan Pippyn fan Herstal, hofmeier fan 'e Franken, as besegeling fan de frede tusken Friezen en Franken nei in tiidrek fan oarloggen. It houlik waard sletten troch Willibrord, de aartsbiskop fan de Friezen[2]. It is net wis oft sy en har man yn de trije jier fan harren houlik (Grimoald waard yn 714 yn de omkriten fan Maastricht fermoarde troch politike tsjinstanners) bern krigen hawwe.

Neiteam

De primêre boarnen jouwe fierders gjin ynformaasje oer har. De Redbadelingen soenen fia har ôfstamje moatte fan kening Redbad. Der binne lykwols gjin boarnen dy't sa'n besibbenens befêstigje of tsjinsprekke kinne.

Boarnen, noaten en/as referinsjes:
  1. ↑ , Halbertsma, H. (1982), Frieslands Oudheid (pdf-file), side 794.
  2. ↑ it Liber Pontificalis (Corpus XXXVI 1, side 168) en Beda Venerabilis (Corpus XLVI9, side 218)
  • Liber Historiae Francorum,
  • Annales Mettenses.
  • Halbertsma, H., Het rijk van de Friese koningen, opkomst en ondergang, Utert, 2000, side 85-86.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.