| Sybrand Buma | ||
 | ||
| Algemien | ||
| Folsleine namme | Sybrand van Haersma Buma | |
| Berne | 30 july 1965 | |
| Berteplak | Warkum | |
| Partij | CDA | |
| Titels | mr. | |
| Politike funksjes | ||
| 2002 | gemeenteriedslid Leidsendam-Foarburch | |
| 2002-2019 | lid Twadde Keamer | |
| 2010-2019 | fraksjefoarsitter CDA Twadde Keamer | |
| 2012-2019 | polityk lieder CDA | |
| 2019-.... | boargemaster Ljouwert | |
Sybrand van Haersma Buma (Warkum, 30 july 1965) is in Nederlânsk politikus fan it CDA. Alhoewol't syn offisjele namme Van Haersma Buma is, wurdt dy faak ôfkoarte ta Buma. Hy wie fan 2010 oant 2019 fraksjefoarsitter fan dy partij yn 'e Twadde Keamer. Op 18 maaie 2012 waard Van Haersma Buma keazen ta partijlieder, wêrnei't er op 30 juny formeel beneamd waard. Earder dielde er it partijliederskip mei fise-minister-presidint en minister Maxime Verhagen en partijfoarsitter Ruth Peetoom. Yn 2019 waard Van Haersma Buma oansteld as boargemaster fan Ljouwert.
Oplieding
Nei in atheneumoplieding yn Snits studearre Van Haersma Buma tusken 1983 en 1989 Nederlânsk rjocht oan 'e Ryksuniversiteit Grins. Dêrnei die er in kursus ynternasjonaal rjocht oan 'e Universiteit fan Cambridge. Yn 1990 gong er as stafjurist oan it wurk by de Rie fan Steat.
Funksjes
- Lid Twadde Keamer
- Bestjoerslid CDA Súd-Hollân
- Sekretaris CDA keamerrûnte De Haach
- Riedslid gemeente Leidsendam-Foarburch
- Bestjoerslid stifting fraksjeburo CDA
- Fan (12 oktober) 2010-2019 fraksjefoarsitter fan de Twadde Keamerfraksje fan it CDA
- Fan (18 maaie) 2012-2019 partijlieder fan de Twadde Keamerfraksje fan it CDA
- 2019-no boargemaster fan Ljouwert
Publikaasjes
- Sybrand Buma: 'Verwarde tijden!’ die om richting vragen. H.J. Schoo-lezing 2017. Amsterdam, Uitgeverij Elsevier Weekblad, septimber 2017. ISBN 978-94-6348-017-8
- Sybrand Buma: Tegen het cynisme. Voor een nieuwe moraal in de politiek. Amsterdam, Prometheus, 2016. ISBN 9789044633108
- Sybrand Buma: Samen kunnen we meer. Schoorl, Utjouwerij Conserve, 2012. ISBN 978-90-5429-343-9
- Sybrand van Haersma Buma: Over het toetsen van wetten aan de grondwet. Een blik op de kern van de democratie. Ljouwert, Universitaire Pers Fryslân, 2004. Gjin ISBN
- Sybrand van Haersma Buma: Wiardus Willem Buma en het geheugen van Friesland. Utjouwerij Wijdemeer, 2024. Biografy Wiardus Willem Buma.
 |
Ofbylden dy't by dit ûnderwerp hearre, binne te finen yn de kategory Sybrand van Haersma Buma fan Wikimedia Commons. |