Stasjon Weener Bahnhof Weener
Stasjon Weener yn 2017
lokaasje
lân	Dútslân
Dielsteat	Nedersaksen
Landkreis	Lier (East-Fryslân)
plak	Weener
adres	Am Bahnhof 1
arsjitektuer
stasjonskoade	HWEE 6576Wr
type	Bf
iepening	26 novimber 1876
oare ynformaasje
perrons	1
perronspoaren	1
spoarline	Grins - Lier
offisjele webside
bahnhof.de
kaart
Lokaasje stasjon Weener

Stasjon Weener is in spoarweistasjon yn de East-Fryske stêd Weener.

Skiednis

It stasjon waard iepene op 26 novimber 1876. Troch ferskate seinsystemen en âlde, allinne yn eigen lân talitten materieel moast der by de grins oerstapt wurde. Troch de lege reizgersoantallen waard it ferfier op it Dútske trajekt yn de jierren 90 staakt.

De spoarline is tusken 2000 en 2002 renovearre. Foar stasjon Weener betsjutte dit dat der tusken âlde gebouwen en ferlitten emplaseminten ien perron en ien spoar renovearre binne. Fan it spoar ôf binne der gjin wiksels mear nei de njonken lizzende spoaren. Ek it noch besteande stasjonsgebou wurdt net mear brûkt.

Treinferbinings

It stasjon is sûnt 2016 tydlik it einpunt fan de trein nei Lier, trochdat de Friezebrêge yn de jûn fan 3 desimber 2015 ramd waard troch kustfarder Emsmoon, wêrtroch't de brêge foar ûnbepaalde tiid sletten is foar al it ferkear. Stasjon Weener leit oan de westlike kant fan de brêge, mar it befeiligingssysteem op de spoarline liet earst keare yn Weener net ta. Dêrom rieden de treinen nei Lier net fierder as stasjon Bad Nijeskâns en wie der in busferbining tusken Nijeskâns en Lier. Sûnt oktober 2016 is de befeiliging oanpast. Der is no in stjitblok en Weener is út Nederlân wei mei de trein wer berikber. Wa't nei Lier trochreizigje wol, kin yn Weener oerstappe op de streekbus 620, as yn Grins de trein ferfangende bus nimme.