Sportsintrum Skuttersfjild

Sportpark sjoen fanôf de tagongsbrêge oan de efterside (2011).

Sportsintrum Skuttersfjild is in multyfunksjoneel sportpark yn de gemeente Snits.

Histoarje

Op 16 augustus 2004 begûn de oanlis fan it sportsintrum Skuttersfjild yn Snits nei in oankundige sluting fan Sportpark Noorderhoek. Wethâlder Hans van den Broek sloech op 27 oktober 2004 offisjeel de earste peal. De wurksumheden duorren oant 31 desimber 2006. Op 1 juny 2007 iepene de gemeente Snits mei de sportferienings it park mei in wykeinfoljende iepening.

Gebrûk

Sportsintrum Skuttersfjild is multyfunksjoneel en wurdt brûkt troch:

AV Horror (in atletykbaan, klaaikeamers en kantine)
KV de Waterpoort (twa kuorbalfjilden, klaaikeamers en kantine)
Fuotbalferiening Waterpoort Boys (twa fuotbalfjilden, klaaikeamers en kantine)
Fuotbalferiening Black Boys (twa fuotbalfjilden, klaaikeamers en kantine)

Dêrneist binne op it sportpark:

in 400 meter skeelerbaan
in fytssirkwy fan ± 1.500 meter
in honkbalfjild anneks keatsfjild mei foar dizze foarsjennings nedige romten
in sporthal mei in gymnastyklokaal en Klimmuorren

Boarnen, noaten en referinsjes

Boarnen, noaten en/as referinsjes:

Ynteraktive kaart fan Sportsintrum Skuttersfjild

53° 3' NB, 5° 39' EL

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.