Skagen Schagen
Schagerkoggekanaal
flagge	wapen
lokaasje
polityk
lân	Nederlân
provinsje	Noard-Hollân
boargemaster	Marjan van Kampen-Nouwen (CDA)
sifers en geografy
haadplak	Skagen
grutste plak	Skagen
ynwennertal	47.765 {1 jannewaris 2024)
befolkingstichtens	284 /km²
oerflak	187,28 km²
● wêrfan lân	168,25 km²
● wêrfan wetter	17,03 km²
tal stêden	1
tal doarpen	18
ferkearsieren	N9 N241 N245 N248 N249 N502 N503 Spoar fan Amsterdam nei De Helder
skiednis
oprjochte	2013
oant 2013	Skagen Zijpe Harenkarspel
oar
netnûmer	0224, 0226
postkoade	1738-1759
tiidsône	UTC +1
simmertiid	UTC +2
webside	www.schagen.nl

Kaart fan de gemeente Skagen

Dizze side giet oer de Noardhollânske gemeente Skagen. Foar oare betsjuttings, sjoch: Skagen (betsjuttingsside).

Skagen (Nederlânsk: Schagen, Westfrysk: Skagen) is gemeente yn 'e Nederlânske provinsje Noard-Hollân. De gemeente hat 47.765 ynwenners (1 jannewaris 2024, boarne: CBS).

Beskriuwing

De gemeente, dy't foar in diel yn 'e krite West-Fryslân leit, bestiet yn syn hjoeddeistige foarm sûnt de gemeentlike weryndieling fan 2013. Doe fúzjearren nammentlik de eardere gemeenten Skagen, Zijpe en Harenkarspel ta ien nije bestjoerlike organisaasje. De stêd Skagen is it grutste plak en teffens it haadplak fan 'e gemeente, hoewol't it gemeentehûs yn Tuitjenhorn, it eardere haadplak fan Harenkarspel, ek noch yn gebrûk is as in dependâns fan it gemeentehûs oan de Leane yn Skagen.

De stêd Skagen is it iennige plak yn de gemeente dy't eartiids stedsrjochten krigen hat en is, mank mei de kust fan de Zijpe, lykas de badplakken Groote Keeten, Callantsoog en Sint Maartenszee, in toeristesintrum. It gebiet tusken de kust en de stêd Skagen bestiet benammen út lânbougrûn, mei in soad bollefjilden en in tal midgrutte doarpen. By Petten binne der twa ûndersykskearnreaktors.

Ferfier

Troch de gemeente hinne rinne in stikmannich haadwegen: de N9, N241, N245, N248 en N249. Al dy diken binne yn de gemeente 80 km/o-diken en hawwe ien rydstripe yn eltste rydrjochting. Dêrnjonken lizze ek de N502 en de N503 yn de gemeente en dy hawwe yn beide rjochtingen ien rydstripe. De maksimumfaasje op de N502 fariearret, op guon plakke is it 80 km/o, mar op oare plakken is it 60 km/o en sels in stikje is it 30 km/o. Oer gâns de N502 is in maksimumfaasje fan 60 km/o.

Troch de gemeente rint it Spoar fan Amsterdam nei De Helder, mei yn Skagen it Stasjon Skagen. Ut dat stasjon is der eltse heal oere in ferbining mei De Helder en Alkmar.

Yn de gemeente Skagen binne der ferskate (buert)buslinen, dêr't ,op ien inkelde nei, allegear Stasjon Skagen as begjin- en einpunt hawwe.

Plakken

De gemeente Skagen bestiet njonken de stêd Skagen út 18 offisjele kearnen en ien badplak. Fierders binne der noch 29 útbuorrens en buorskippen.

Oare kearnen binne: Abbestede, Burgervlotbrug, 't Buurtje, Dijkstaal, Groote Keeten, Grotewal, Grootven, Kalverdijk, Kerkbuurt, Keins, Keinsmerbrug, Het Korfwater, Lagedijk, Leihoek, Mennonietenbuurt, Nes, Tin, Tjallewal, Tolke 't Rijpje, Schagerwaard, Schoorldam (foar in part), Slootgaard, De Stolpen, Stolpervlotbrug, 't Wad, Woudmeer, Zijbelhuizen en Zijpersluis.

Keppeling om utens

• Hiemside fan de gemeente Skagen