Sintrale Kommisje Skûtsjesilen
SKS skûtsjesilen yn Earnewâld 2015
holden yn	Fryslân
data	Simmer
sport	Skûtsjesilen
organisator	Sintrale Kommisje Skûtsjesilen
earste edysje	1945
aktueel
2022
edysjes
foarrige edysje	2019
folgjende edysje	2023
Temaside  Sport

SKS Skûtsjesilen by Earnewâld.

De Sintrale Kommisje Skûtsjesilen (SKS) is op 22 july 1945 oprjochte as Feriening fan Skûtsjesilers -kommisjes yn Fryslân. Yn 1946 is de namme feroare ta "Sintrale Kommisje Skûtsjesilen". It is de sintrale organisaasje foar de ûnderskate pleatslike kommisjes skûtsjesilen, dy't foar de oarloch al opset wienen, en de skûtsjesilers en de eignerkommisjes.

Kampioenskip

De kommisje organisearret it kampioenskip SKS, dat basearre is op it skûtsjesilen fan de alve pleatslike kommisjes, dat yn fjirtsjin dagen tiid hâlden wurdt.

skema sûnt 2013

Skûtsjes

Yn 1979 hat de SKS it beslút naam net mear as fjirtsjin skûtsjes ta it kampioenskip ta te litten. Sûnt dy tiid silet der in fêste groep fan eigners, meast kommisjes, mei yn it kampioenskip, mar net altyd mei itselde skûtsje. Skûtsjes mei jierren SKS-histoarje wurde soms ferfongen troch oare, faaks better silende skippen. Fansels krije dy nije skûtsjes al wer it seilteken fan de eigner yn it seil, en ek wurdt faak de namme fan it eardere skûtsje oernaam. Op it stuit sile dizze skûtsjes en skippers om it kampioenskip SKS (2017).

Ofbyld	Seil- teken	Namme	Plak	Skipper	Boujier	Ton	Werf
		Eildert Sietez	Akkrum	Pieter Eildertszn. Meeter	1910	43	Roorda
		d’Halve Maen	Drachten	Klaas Westerdijk	1912	36	Roorda
		Twee Gebroeders	Drachten	Jeroen Pietersma	1913	44	Roorda
		Twee Gebroeders	Earnewâld	Gerhard Pietersma	1930	44	Van der Werff
		It Doarp Grou	Grou	Douwe Azn Visser	1909	36	Roorda
		Gerben van Manen	It Hearrenfean	Sytze Pzn. Brouwer	1915	45	Roorda
		Oeral Thús	De Jouwer	Dirk Jan Reijenga	1923	50	Van der Werff
		Twee Gebroeders	Langwar	Jaap Zwaga	1914	51	Wildschut
		Lemster skûtsje	De Lemmer	Albert Jzn Visser	1930	45	Van der Werff
		It Doarp Huzum	Ljouwert (Huzum)	Johannes Hzn. Meeter	1925	45	Van der Werff
		Rienk Ulbesz	Ljouwert	Willem Uzn Zwaga	1915	45	Roorda
		Sneker Pan	Snits	Douwe Jzn Visser	1913	41	Roorda
		Súdwesthoek	Starum	Auke de Groot	1923	50	Barkmeijer
		Klaas van der Meulen	Wâldsein	Taeke Klaas van der Meulen	1912	45	Roorda

Telling

De Skûtsjes krije punten foar it plak dêr't se op binnenkomme: twa foar it twadde plak, trije foar it tredde plak, fjouwer foar it fjirde plak, ensfh.. Allinnich foar it earste plak krijt it skûtsje krekt wat minder: 0,9 punten foar it earste plak. Nei de lêste wedstriid wurde alle punten fan in skûtsje byelkoarteld, wêrby de minste wedstryd weilitten wurdt. Wa't dan it leechste oantal punten hat krijt it Sulveren Skûtsje en de blauwe kampioenswimpel.

SKS Kampioenen

Sjoch ek

• IFKS