Rowwen Hèze
band
Rowwen Hèze yn 2007
algemiene ynformaasje
nasjonaliteit	Nederlânsk
sjongtaal	Limburchsk
sjenre	Folk
bestean	1985 – No
label(s)	HKM, V2 Records, RHAM, Modestus
prizen	Sulveren Harpe (1992)
âld-leden	Jan Philipsen bas Geert Hermkens akkordeon Mart Deckers drums
leden
Sang, Gitaar &, Mûlharp	Jack Poels
Gitaar, Mandoline & Tin-whistle	Theo Joosten
Akkordeon, Toetsen & Tromboane	Tren van Enckevort
Bas	Wladimir Geels
Trompet & Bugel	Jack Haegens
Drums	Martîn Rongen

Rowwen Hèze is in Nederlânske Folkband oprjochte yn 1985 yn America, Limburch. De band brocht yn 1987 syn debútalbum Rowwen Hèze út. De teksten fan de band gean benammen oer deistige libben, dronkenskip, de fanfare, de natoer en de Peel. Rowwen Hèze hat achttjin studio-albums en fjouwer live-albums útbrocht.

Skiednis

De band waard yn 1985 oprjochte troch gitarist Theo Joosten, bassist Jan Philipsen en drummer Mart Deckers, earder fan The Legendary Texas Four. By de syktocht nei in sjonger bliek Jack Poels earder fan Bad Edge in geskikte kandidaat. Poels stelde wol as betingst dat er ien ferske yn it Limburchsk sjonge mocht.

Yn de earste jierren fan harren bestean spile Rowwen Hèze noch benammen Ingelsktalige covers fan ûnder oaren Thin Lizzy. In jierliks weromkommend fenomeen foar Rowwen Hèze en in soad oare Limburchsk bands wie om om de karnaval hinne in karnavalsnûmer te skriuwen. Yn 1987 skreau Rowwen Hèze it nûmer Niks stront niks, dat de lanlike media helle yn ferbân mei de nochal kontroversjele tekst. Dit nûmer yn kombinaasje mei de lanlike opskuor deromhinne betsjutte de earste lanlike bekendheid foar Rowwen Hèze. Yn desimber fan datselde jier ferskynde harren earste eigen album, Rowwen Hèze. Fan doe ôf lei de band him foar in grut part ta op teksten yn it Limburchsk, yn stee fan it Ingelsktalige (cover)repertoire.

Diskografy