| Rjazan oblast
Костромская область | |
|---|---|
 | |
| flagge | wapen |
 |
 |
| polityk | |
| soarte gebiet | Oblast |
| lân |  Ruslân |
| Federaal Distrikt | Sintraal |
| Ekonomyske Regio | Sintraal |
| haadplak | Rjazan |
| grutste plak | Rjazan |
| taal | Russysk |
| sifers | |
| ynwennertal | 1.085.152 (2022) |
| oerflak | 39.605 km² |
| befolkingstichtens | 27,4 ynw./km² |
| Etnyske groepen | Russen (88,98 %) Oekraïners (0,77%) stân 2010 |
| oar | |
| stifting | 1937 |
| tiidsône | UTC +3 |
| koördinaten | 54° 24' N 40° 39' E |
| webside | www.gov.ryazan.ru |
De oblast Rjazan (Russysk: Рязанская область, Rjazanskaja oblast) is in oblast (in bestjoerlike ienheid) fan Ruslân. De oblast leit súdeastlik fan Moskou, de haadstêd is Rjazan.
Geografy
De oblast grinzget oan de oblasten Vladimir (noarden) en Nizjni Novgorod (noardeasten), de republyk Mordoovje (easten) en de oblasten Penza (súdeasten), Tambov (suden), Lipetsk (súdwesten), Tûla (westen) en Moskou (noardwesten).
De oblast leit yn de Easteuropeeske Leechflakte yn it Oka-Don-flakte. De belangrykste rivier is de Oka, dy't fan wêst nei east de oblast midstwa snijdt. Mei útsûndering fan de haadstêd is de lânbou yn de hiele oblast de belangrykste boarne fan ynkommen. It klimaat is tuskenbeide kontinintaal. De trochsnit temperatuer yn jannewaris is −10 °S, yn july +20 °S.
Ekonomy
Utsein de haadstêd is de oblast fral agrarysk. Der wurdt kalkstien, mergel en klaai fûn en der binne ôfsettings fan glês- en kwarstsân. Fierder wurde der fosforiten, brûne izererts, stienkoal en turf fûn. Wichtige sektoaren binne de ferarbeiding fan ierdoaljeprodukten, metaalbewurking, masjinebou, kommunikaasje-eletronika, de bou en de foedselyndustry.
Skiednis
De skiednis fan it Foarstedom Rjazan giet werom oant yn de 10e iuw. Troch de lokaasje oan de râne fan Ruslân wie it faak in gebiet fan striid. It gebiet hie ek te meitsjen mei de ynvaazje fan de Mongoalen yn 1237. It foarstedom hold lang hoek tsjin Moskou, mar kaam yn 1521 dochs ûnder Russysk bewâld.
Yn 1937 waard de oblast Rjazan oprjochte út dielen fan de oblasten Moskou en Voronezj. Yn 1954 krige de oblast mei in feroarings de hjoeddeiske omfang.
Bestjoersyndieling en grutte stêden
De oblast Rjazan is ûnderferdield yn 25 rajons en 4 stedsdistrikten. It bestjoerssintrum fan de oblast is Rjazan en dat is ek de iennige grutte stêd fan de oblast. Oare plakken mei in grutter ynwennertal binne Kasimov, Skopin en Sasovo, dy't njonken Rjazan de oare trije stedsdistrikten foarmje. Meiïnoar hat de oblast 12 stêden en 21 plakken mei in stedsk karakter.
| Namme | Russysk | Ynwenners (2022) [1] | Wapen | Lokaasje |
|---|---|---|---|---|
| Rjazan | Рязань | 529.401 |  | 54° 37' N 39° 43' E |
| Kasimov | Касимов | 28.753 |  | 56° 59' N 40° 58' E |
| Skopin | Скопин | 30.376 | .gif){kind=small} | 53° 49' N 39° 33' E |
| Sasovo | Сасово | 23.213 | .png.webp){kind=small} | 54° 21' N 41° 55' E |
| Rjazjsk | Ряжск | 20.641 | .gif){kind=small} | 53° 43' N 40° 04' E |
Befolkingsûntwikkeling
| Jier | 1897 | 1926 | 1939 | 1959 | 1970 | 1979 | 1989 | 2002 | 2022 |
|---|---|---|---|---|---|---|---|---|---|
| Befolking | 1.802.196 | 2.428.914 | 2.267.908 | 1.444.755 | 1.411.590 | 1.365.780 | 1.347.754 | 1.227.910 | 1.085.152 |
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Rjasan
|
