Pedro Subercaseaux
keunstner
Pedro Subercaseaux as muonts
persoanlike bysûnderheden
echte namme	Pedro León Maximiano María    Subercaseaux Errázuriz
nasjonaliteit	Sileensk
berne	10 desimber 1880
berteplak	Rome
stoarn	3 jannewaris 1956 (74 jier)
stjerplak	Santiago de Chile
etnisiteit	Baskysk Frânsk
wurkpaad
wurksum as	keunstskilder, yllustrator, muonts

Pedro León Maximiano María Subercaseaux Errázuriz (Rome, 10 desimber 1880 - Santiago de Chile, 3 jannewaris 1956) wie in Sileensk geastlike en keunstskilder, dy't bekend waard fan syn yllustraasjes by de Sileenske en Argentynske skiednis.

Libben en wurk

Subercaseaux Errázuriz wie in soan fan ambassadeur en skilder Ramón Subercaseaux Vicuña en Amalia Errázuriz Urmeneta.

Fan 1906 ôf wurke Subercaseaux Errázuriz ûnder de skûlnamme Lustig as karikaturist foar it tydskrift Zig Zag. Yn 1913 wurke er as yllustrator foar it tydskrift Pácifico Magazine.

Yn 1907 boaske er oan Elvira Lyon Otaegui fan wa't er yn 1920 op in reis nei Jeropa skiede om geastlike wurde te kinnen. Yn 1925 stalde er yn Ingelân in sammelbân gear oer Fransiskus fan Assisy mei eigen akwarellen en gedichten fan de Deenske dichter Johannes Jørgensen. Yn 1938 gie er mei de opdracht om in Benediktinekleaster yn Santiago te stichtsjen werom nei Sily.

Pedro Subercaseaux waard beïerdige op it hôf fan it Monasterio Benedictino de la Santísima Trinidad de Las Condes yn Santiago.

Galery

Pedro Subercaseaux Errázuriz skildere yn 't foarste plak wurk mei in religieuze ynhâld en heldemotiven út de skiednis fan Argentinië en Sily.

• 
  Descubrimiento de Chile por Diego de Almagro
  (De ûntdekking fan Sily troch Diego de Almagro)
• 
  Primera misa en Chile
  (De earste mis yn Sily)
• 
  Ultimos Momentos en Rancagua (It Belis fan Rancagua)
• 
  Lautaro