De PC fan 2014 waard op woansdei 30 july ferkeatst. It wie de 161ste edysje fan de wichtichste keatspartij fan it jier. It wie in moaie simmerdei mei ideale keatsomstannichheden.
It Lotsjen
Mei it lotsjen wiene der foar it earst twa partueren pleatst. De earste twa partueren yn de 'ranking' waarden sadanich pleatst dat sy net tsjin mekoar keatse koene. De lotting wie moai ferdield sadat de sterkere partueren mekoar meast yn de heale finale tsjinkomme soene. Ek wie it opmerklik dat it partuer fan Menno van Zwieten net meidwaan mocht, as sânde op de 'ranking' moasten ja dochs mei de 'keats-off' meidwaan om it lêste PC-plakje, en dy waard wûn troch it partuer fan Johannes van der Veen.
Earste List
Oan it begjin fan de dei wy der fuort in ferassing. It partuer fan Johan van der Meulen waard fuort fan de list ferwidere troch it degelik keatsende jonge partuer fan Haye Jan Nicolay. It partuer fan Johan van der Meulen kaam net ien kear yn de wedstriid en sa wie de PC fan de winners fan de foarige PC gau ôfrûn. De oare toppartueren wûnen harren wedstriid allegear maklik en troch goed te keatsen.
Hylke Bruinsma
Sip Jaap Bos
Allard Hoekstra
Pieter van Althuis
Twadde List
Op de twadde list waard it partuer fan Haye Jan Nicolay ferslein toch it partuer fan Jelte Pieter Dijkstra. It partuer fan Jan Dirk de Groot waard ferslein troch Martijn Olijnsma. De favorite partueren van van der Bos en Steenstra giene maklik nei de heale finale.
Taeke Triemstra
Hans Wassenaar
Enno Kingma
Hendrik Kootstra
Heale Finale
Yn de heale finale waard Teake Triemstra yn it partuer fan Gert Anne van der Bos ferfong troch Jacob Wassenaar. Wassenaar naam de lêste wiken wol faker it plak fan Teake yn dy't in langdurige blessure oan syn skouder hie. Yn harren wedstriid tsjin Tsjisse Steenstra kamen se earst wol in spul achter, wylst sy op de stuit begûnen. It perk fan Cornelis Terpstra en Herman Sprik joech mêr tsjinstân dan yn de eardere omlopen. Mar doe't se ien kear yn it perk steane doe kearde de partij en waard der maklik wûn, benammen trochdat Jacob Wassenaar foarin geweldich stie te keatsen. Yn de oare partij hie it bettere partuer fan Olijnsma moaite om te winnen fan Jelte Pieter Dijkstra. Nei in foarsprong fan 3-5 waard der dochs noch ferlern, benammen troch in protte fouten. Dit wie de lêste kans op in PC oerwinning foar Marten Feenstra dy't syn lêste seizoen keatste.
Marten Feenstra
Martijn Olijnsma
CornelisTerpsta
Tjisse Steenstra
Finale
De finale wie ienrjochtingsferkear. It partuer fan Jelte Pieter Dijkstra wie hielendal útkeatst en koe gjin fûst meitsje tsjin de favoriten. Benammen Jacob Wassenaar liet wer sjen dat der it keatsen noch net ferleard wie en jage in protte ballen oer de boppe.
Sjoerd de Jong
Hendrik Jan van der Velde
Gert-Anne van der Bos
Jacob Wassenaar
List fan dielnimmers
|
| ||||||||||||||||||||||
|
| ||||||||||||||||||||||
|
| ||||||||||||||||||||||
|
| ||||||||||||||||||||||
|
| ||||||||||||||||||||||
|
| ||||||||||||||||||||||
|
| ||||||||||||||||||||||
|
|
Utslaggen
| 1e list | |||||
| 1 | Johan van der Meulen c.s. | - | 2 | Haye Jan Nicolay c.s. | 4-5 (0-6) |
| 3 | Jelte-Pieter Dijkstra c.s. | - | 4 | Gosse Beeksma c.s. | 5-3 (6-6) |
| 5 | Hendrik Tolsma c.s. | - | 6 | Jan Dirk de Groot c.s. | 1-5 (6-6) |
| 7 | Martijn Olijnsma c.s. | - | 8 | Dirk Yde Sjaarda c.s. | 5-2 (6-6) |
| 9 | Enno Kingma c.s. | - | 10 | Feiko Broersma | 5-1 (6-2) |
| 11 | Gert-Anne van der Bos c.s. | - | 12 | Pieter van Althuis c.s. | 5-3 (6-0) |
| 13 | Michiel Scheepvaart c.s. | - | 14 | Bauke Triemstra c.s. | 5-5 (4-6) |
| 15 | Johannes van der Veen c.s. | - | 16 | Tsjisse Steenstra c.s. | 0-5 (4-6) |
| 2e list | |||||
| 2 | Haye Jan Nicolay c.s. | - | 3 | Jelte-Pieter Dijkstra c.s. | 2-5 (6-6) |
| 6 | Jan Dirk de Groot c.s. | - | 7 | Martijn Olijnsma c.s. | 2-5 (2-6) |
| 9 | Enno Kingma c.s. | - | 11 | Gert-Anne van der Bos c.s. | 1-5 (6-6) |
| 14 | Bauke Triemstra c.s. | - | 16 | Tsjisse Steenstra c.s. | 2-5 (2-6) |
| 3e list | |||||
| 3 | Jelte-Pieter Dijkstra c.s. | - | 7 | Martijn Olijnsma c.s. | 5-5 (6-0) |
| 11 | Gert-Anne van der Bos c.s. | - | 16 | Tsjisse Steenstra c.s. | 5-3 (6-4) |
| finale | |||||
| 3 | Jelte-Pieter Dijkstra c.s. | - | 11 | Gert-Anne van der Bos c.s. | 0-5 (6-6) |
Kening PC 2014
Daniël Iseger waard útroppen ta kening fan dizze PC.