Portret fan Achenbach troch Ludwig des Coudres
Oswald Achenbach (Düsseldorf, 2 febrewaris 1827 - dêre, 1 febrewaris 1905) wie in Dútske keunstskilder fan meast lânskippen.
Oswald Achenbach folge syn oplieding oan de keunstakadeemje yn Düsseldorf en by syn broer Andreas Achenbach, dy't ek skildere. Om syn natuerstúdzjes te ferdjipjen makke er in reis troch Tirol en Itaalje. Achenbach hat by syn lânskippen each foar de rike en fûle kleureffekten; dat brocht him ek nei de baai fan Napels en Rome.
Achenbach syn lânskippen (faak mei figueren der yn) binne romantysk fan aard en meastal troch Itaalje ynspirearre, sa as 'Tafreel yn in Italjaansk park' (München, Neue Pinakothek).
Oswald Achenbach levere syn bêste wurk mei syn lytse skilderijen dy't syn flotte penseelfiering sjen litte.
Priuwke fan syn wurk
Sicht op Florâns, 1898
Fjoerwurk yn Napels
Kleastertún, 1857
Triomfbôge fan Konstantyn yn Rome
| Boarnen, noaten en/as referinsjes: |
|
 Wikimedia Commons | Ofbylden dy't by dit ûnderwerp hearre, binne te finen yn de kategory Oswald Achenbach fan Wikimedia Commons. |
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.