| Nikita von James | ||
 persoan yn de seksyndustry | ||
 | ||
| persoanlike bysûnderheden | ||
| oare artyste- nammen | Nikita Jaymes, Nikkita James | |
| echte namme | ? | |
| nasjonaliteit |  Russysk | |
| berne | 11 april 1977 | |
| berteplak | Smolensk (Ruslân) | |
| etnisiteit | Russysk | |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2009 – 2017 | |
| offisjele webside | ||
| www.nikitavonjames.com | ||
Nikita von James, echte namme ûnbekend (Smolensk, 11 april 1977), is in Russysk neakenmodel, stripper en pornografysk aktrise, dy't ek wol gebrûk makke hat fan 'e artystenammen Nikita Jaymes en Nikkita James. Neffens har offisjele opjefte is se 1.62 m lang, mei in gewicht fan 50 kg en kupmaat 34D, dêr't se oan kommen is troch in boarstfergruttingsoperaasje te ûndergean.
Libben en karriêre
Von James waard yn 1977 berne yn 'e Westrussyske stêd Smolensk, dêr't se ek opgroeide. As bern siet se op ballet en turnjen en die se ek oan tennis en basketbal. Nei eigen sizzen die se har earste seksuële ûnderfining op doe't se sechstjin jier wie.
Foar't se in karriêre as pornoaktrise begûn, wurke Von James tsien jier lang as stripper yn ferskate Russyske en letter ek Amerikaanske stripklubs. Yn 2008, doe't se 31 jier wie, makke se har debút yn in pornografyske sêne foar de pornowebside Brazzers.
Neffens de Internet Adult Film Database (IAFD) hat se sûnt yn mear as 120 pornofilms spile, û.m. foar sokke foaroansteande labels as Penthouse, Wicked Pictures, Vivid Entertainment, Pure Play Media, New Sensations, Evil Angel, Devil's Film, Third Degree Films, Diabolic Video, Digital Playground, Zero Tolerance, Jules Jordan Video en Hustler Video.
Ek hat Von James in protte wurke foar pornosites op it ynternet, net allinnich foar Brazzers, mar ek foar BangBros, Naughty America en Muffia. Yn 2014 waard se nominearre foar in Xbiz Award yn 'e kategory milf-artyste fan it jier. Njonken har aktearwurk is Von James út en troch ek wurksum as neakenmodel en hat se foar ferskate manljusblêden posearre.
Prizen en nominaasjes
| Jier | Priis | Resultaat | Kategory | Foar har optreden yn |
|---|---|---|---|---|
| 2014 | Xbiz Award | nominearre | milf-artyste fan it jier | n.f.t. |
Keppelings om utens
| Boarnen, noaten en/as referinsjes: |