Nikita Chrûsjtsjov

Nikita Sergejevitsj Chrûsjtsjov (Russysk: Никита Сергеевич Хрущёв - (Kalinovka, 17 april 1894 – Moskou, 11 septimber 1971) wie in Russyske politikus. Hy waard yn 1953 earste sekretaris fan it Sintraal Kommitee fan de Kommunistyske partij (CCCP) yn de USSR en yn 1958 premier. Chrûsjtsjov late de Sowjet-Uny yn it tiidrek (7 septimber 1953 oant 14 oktober 1964) nei de dea fan Jozef Stalin.

Chrûsjtsjov fierde in dynamyske polityk en drukte in persoanlik stimpel op it binnen- en bûtenlânske belied (freedsume koëksistinsje). U.m. troch it mislearjen fan syn lânpolityk kaam hy yn 1964 te fal. Nei sân jier hûsarrest stoar hy op 11 septimber 1971.