Nieuwegein
Alde slûs yn Vreeswijk
flagge	wapen
lokaasje
polityk
lân	Nederlân
provinsje	Utert
boargemaster	Frans Backhuijs (VVD)
sifers en geografy
haadplak	Nieuwegein
grutste plak	Nieuwegein
ynwennertal	64.534 (31 jannewaris 2022)
befolkingstichtens	2.745 / km²
oerflak	25,65 km²
● wêrfan lân	23,51 km²
● wêrfan wetter	2,14 km²
tal doarpen	1
ferkearsieren	, , Flugge tram Utert-Nieuwegein
skiednis
oprjochte	1971
oar
netnûmer	030
postkoade	3430-3439
tiidsône	UTC +1
simmertiid	UTC +2
webside	www.nieuwegein.nl

Topografyske gemeentekaart fan Nieuwegein

Nieuwegein is in plak en gemeente yn de Nederlânske provinsje Utert en leit justjes súdlik fan de stêd Utert. De gemeente hat 64.534 ynwenners (2022)^[1] en is in eardere groeikearn. De gemeente ûntstie yn 1971 nei de fúzje fan de twa eardere gemeenten Vreeswijk en Jutphaas.

Namme

Yn it gebiet tusken de eardere doarpen Vreeswijk en Jutphaas lei eartiids in lyts plak, Geyne. Dat plak krige yn 1285 stedsrjochten, dochs waard al rillegau, yn 1313 ferwoastge yn in kriich tusken de biskop fan Utert en de greve fan Hollân. Hjoed-de-dei docht it Hûs Oudegein noch oan dy tiid weromtinken. De gemeentebestjoeren fan Vreeswijk en Jutphaas hawwe foar in skoftke oan itt stinnen west oer in nije namme. Ynearsten soe it 't Gein wurde, mar waard kediisd om it Nieuwegein, nei it âlde plak, te neamen.

Skiednis

Yn de 1960-er en 1970-er jierren wie der yn Nederlân in weach fan suburbanisaasje. Bewenners fan de grutte stêden yn de Rânestêd teagen nei de omlizzende gemeenten. It regear koôrdinearre dy bewegings sa as ûnder oare it Griene Hert syn romten en lânskiplike wearden behâlde te litten. It waard gemeneten dêrnei net mear tastien om selsstannich grutte bouprojekten te ûntwikkeljen en út te fieren. Ynstee waard troch de sintrale oerheid sels boulokaasjes oanwiisd. Om Utert hinne lei it swiertepunt fan ûntjouwing súdlik fan de stêd.

Al yn 1958 bestie der by it provinsjebestjoer fan Utert plannen en brûk it gebiet tusken de doarpen Vreeswijk en Jutphaas folslein foar grutskalige wentebou, dêr't der, mei dy twa gemeenten ynbegrepen, in nij plak troch ûntstean soe. Yn it noardlik gebiet wie Jutphaas al dwaande mei it bouwen fan de wyk Wijkersloot en Vreeswijk yn it suden wie dwaande mei de wyk Zandveld. Dêrtroch woeksen de beide plakken al nei inoar ta.

Op 12 juny 1969 besleaten de gemeenterieden fan de gemeenten Vreeswijk en Jutphaas om harren sels op te heffen en op 1 july 1971 wiene se gearfoege ta d enije gemeente Nieuwegein. Nieuwegein is yn hjoeddeistige begripen in folsleine stêd.

Geografy

De gemeente leit ynsletten tusken de rykswegen A2, A12 en A27. De rivier de Lek foarmet de súdgrins fan de gemeente. Fierder rinne it Lekkanaal, it Amsterdam-Rynkanaal en it Merwedekanaal troch de gemeente hinne.

De gemeente wurdt begrinzge troch de stêd Utert yn it noarden, de gemeente Houten yn it easten, de gemeente Fiifhearelannen yn it suden en de gemeente Iselstein yn it westen.

Ferneamde (âld-)ynwenners

• Bram van der Vlugt, akteur (2020)

Ofbylden

• 
  Sint-Nikolaastsjerke
• 
  Barbaratsjerke mei pastorij
• 
  Nederlânsk-herfoarme tsjerke fan Jutphaas
• 
  Pannen oan de Heerenstraat
• 
  Slûs yn Vreeswijk
• 
  Amsterdam-Rynkanaal yn Nieuwegein
• 
  Flugge tram op de Jutphaaske Brêge fan Utert-Westraven nei Nieuwegein-Zuilenstein

Keppeling om utens

• Offisjele webside fan de gemeente Nieuwegein

 Commons: Nieuwegein – foto, fideo en harktriemmen