Michael Stefano
persoan yn de seksyndustry
persoanlike bysûnderheden
oare artyste-        nammen	Michael Long, Mike Long, Luciano, Mike Stefano, Michael Stephano
echte namme	Michael Vito Menta
nasjonaliteit	Amerikaansk
berne	29 augustus 1969
berteplak	Hartford (Konettikut)
etnisiteit	Italjaansk
wurkpaad
wurksum as	pornoakteur, regisseur, filmprodusint
jierren aktyf	1997 – 2010, 2011 – 2015
offisjele webside
Michael Stefano op Twitter

Michael Stefano, echte namme: Michael Vito Menta (Hartford (Konettikut), 29 augustus 1969), is in rêstend Amerikaansk pornografysk akteur, regisseur en filmprodusint fan etnysk Italjaansk komôf. Syn artystenamme wurdt ek (mis)stavere as Michael Stephano, en hy hat ek wol gebrûk makke fan 'e skûlnammen Michael Long, Mike Long, Luciano en Mike Stefano. Hy sette yn 1997 útein mei in wurkpaad yn 'e Amerikaanske pornoyndustry en spile yn mear as tûzen films. Teffens regissearre er in oansjenlik oantal en as produsint wied er belutsen by û.m. de studio Platinum X Pictures. Yn 2015 beëinige Stefano syn belutsenens by de pornoyndustry foargoed.

Libben en karriêre

Michael Stefano waard yn 1969 berne yn Hartford, yn 'e Amerikaanske steat Konettikut, sa't er sels yn jannewaris 2001 in fraachpetear mei it tydskrift AVN fertelde. (Oare boarnen, dy't wolle dat er yn Kalifornje berne is, binne dus mis.) Hy begûn yn 1996 te wurkjen as regisseur fan pornografyske films foar de filmstudio Extreme Associates, dêr't er lykwols yn july 2001 by wei gie. Neitiid wurke er as regisseur benammen foar de studio's Red Light District, West Coast Productions en Platinum X Pictures. Tusken 1996 en 2013 wie Stefano ferantwurdlik foar de rezjy fan 165 films.

Yn 1997, doe't er 28 jier wie, sette Stefano ek útein mei in karriêre as pornoakteur. Nei in skatting fan himsels spile er dêrby troch de jierren hinne yn mear as tûzen films en mear as trijetûzen sênes. De Internet Adult Film Database (IAFD) telde foar him begjin 2017 1.201 films, mar dêr sitte ek in oansjenlik tal kompilaasjefideo's by. Stefano wurke as akteur û.m. foar sokke foaroansteande labels as Red Light District, Zero Tolerance, Jules Jordan Video, New Sensations, Evil Angel, Diabolic Video, Sin City, Adam & Eve, Anabolic Video, Vivid Entertainment, Digital Sin, Hustler Video, Brazzers en Elegant Angel. Dêrnjonken wied er ek wol foar minder bekende studio's yn 't spier, wêrûnder Mile High Media, Extreme Associates, Platinum X Pictures, Metro, Legend Video, Third Degree Films, Pure Play Media en West Coast Productions.

Under syn karriêre wurke Stefano gear mei aktrises as Ava Addams, Asa Akira, Alexis Amore, Andi Anderson, Eva Angelina, Davia Ardell, Lady Armani, Cherokee d'Ass, Briana Banks, Tyra Banxxx, Belladonna, Lexi Belle, Bethany Benz, Audrey Bitoni, Tori Black, Vanessa Blue, Julia Bond, Amy Brooke, Ashlynn Brooke, Jenna Brooks (Bambi Bliss), Codi Bryant (America Moore), Asia Carrera, Kayla Carrera, Lily Carter, Catalina, Cherokee, Cassandra Cruz, Renae Cruz, Courtney Cummz, Cytherea, Daisy Marie, Claire Dames, Dana DeArmond, Sophie Dee, Jewel De'Nyle, Lexi Diamond, Skin Diamond, Kelly Divine, Bobbi Eden, Alana Evans, Rita Faltoyano, Jada Fire, Kimberly Franklin, Ashlyn Gere, Havana Ginger, Savannah Gold, Sasha Grey, Nina Hartley, Marica Hase, Jenna Haze, Jenny Hendrix, Audrey Hollander, India, Kylie Ireland, Sara Jay, Dani Jensen, Jessica Jewel, Julia Ann, Kayme Kai, Kimberly Kane, Kagney Linn Karter, Katja Kassin, Anissa Kate, Katsuni, Bridgette Kerkove, London Keyes, Austin Kincaid, Remy LaCroix, Melissa Lauren, Francesca Le, Brooklyn Lee, Lucy Lee, Leanni Lei, Leyla Lei, Ashlynn Leigh, Mia Lelani, Shawna Lenée, Rebeca Linares, Alexis Love, Brianna Love, Shy Love, Loona Luxx, Eve Madison, Candy Manson, Jade en Nyomi Marcela, Madelyn Marie, Mary Jane, Janet Mason, Tanner Mayes, Jynx Maze, Marie McCray, Gianna Michaels, Trina Michaels, Mariah Milano, Carmel Moore, Cayden en Christa Moore, Mason Moore, Tiffany Mynx, Kristi Myst, Alexandra Nice, Mya Nichole, Nika Noire, Brittany O'Connell, Joyce Oliveira, Olivia O'Lovely, Madison Parker, Mini Pipes, Teagan Presley, Priva, Taylor Rain, Harley Raine, Riley Reid, Amy Ried, Kristina Rose, Sativa Rose, Daphne Rosen, Karma Rosenberg, Natalia Rossi, Faye Runaway, Jasmin St. Claire, Katie St. Ives, Andy San Dimas, Mônica Santhiago, Hillary Scott, Alexandra Silk, Selena Silver, Aurora Snow, Lela Star, Bobbi Starr, Rachel Starr, Jada Stevens, Lara Stevens, Misty Stone, Delilah Strong, Kapri Styles, Mika Tan, Tanya Tate, Alexis Texas, Lucy Thai, Bianca Trump, Flower Tucci, Angelina Valentine, Dana Vespoli, Vicky Vette, Candace Von, Amile Waters, Kelly Wells, Simone West en Ricki White.

Michael Stefano wûn fjouwer AVN Awards (de Oscars fan 'e pornowrâld): twa yn 2004, yn 'e kategoryen bêste anale sekssêne (fideo) en manlike artyst fan it jier; ien yn 2006, yn 'e kategory bêste triosekssêne (f/m/m); en ien yn 2011, yn 'e kategory bêste groepsekssêne. Ek waard Stefano yn 2010 ynhuldige as lid fan 'e AVN Hall of Fame, en hat er nochris 23 kear foar in AVN Award nominearre west. Fierders hat er ek twa XRCO Awards en in Adam Film World Guide Award wûn.

Op in stuit wie Stefano troch in blessuere twongen om in skoft rêst te nimmen as akteur. Yn dy rekke er nauwer by de produksjekant fan 'e pornoyndustry belutsen. Yn july 2001 frege er de ferneamde pornostjer Jewel De'Nyle om mei him te trouwen. Hja joech him tawurd en it houlik fûn op 9 maart 2002 plak. Yn 2003 rjochte Stefano tegearre mei syn frou de filmstudio Platinum X Pictures op, in ûndernimming dy't finansjeel ûnderstipe waard troch it fêstige label Red Light District. Koarte tiid letter giene Stefano en De'Nyle lykwols útinoar, wêrnei't Stefano Candy Shop oprjochte, in filmstudio dy't him spesjalisearre yn 'e produksje fan ynterrasiale pornografy. Letter rjochte er ek noch de studio Michael Stefano Productions op. Yn 2010 kundige er oan dat er ophold as akteur, regisseur en produsint, mar yn 2011 makke er in comeback. Yn 2013 hold er fannijs op as regisseur, en yn 2015 loek er him úteinlik hielendal (en diskear foargoed) út 'e pornoyndustry werom.

Prizen en nominaasjes

Keppelings om utens

• (in) Offisjele webside fan Michael Stefano (deade link)
• (in) Biografy en filmografy fan Michael Stefano yn 'e Internet Movie Database (IMDb)
• (in) Biografyske gegevens en filmografy fan Michael Stefano yn 'e Internet Adult Film Database (IAFD)