In Martin B-26C

De Martin B-26 Marauder is in Amerikaanske twamotorige middelswiere bommesmiter. De earste flecht wie op 25 novimber 1940. It tastel waard foar it earst ynset yn Oseaanje, mar letter ek foar missys yn it Noard-Afrika, it Middellânske Seegebiet en yn West-Jeropa.

Skiednis

Yn it earstoan barden der in protte ûngemakken by de start en lânings mei de B-26 en krige it tastel de bynamme "Widdomakker". Under mear wie de lâningsfaasje heech (193 oant 217 km/o) wêr't de fleanders net oan went wiene. De B-26 waard in feiliger fleantúch doe't de bemanningen fannijs treent wiene en nei't in tal aerodynamyske ferbetteringen tapast wiene, ûnder mear it fergrutsjen fan de fleugelspanwiidte en in gruttere stabilisator en rjochtingsroer. Oan de ein fan de oarloch wie de Marauder de bommesmiter fan de USAAF mei de lytste ferliezen.^[1]

Totaal waarden der 5.288 fan makke tusken febrewaris 1941 en maart 1945; 522 dêrfan fleagen by de Royal Air Force en de Súd Afrikaanske Loftmacht. Tsjin de tiid dat de United States Air Force selsstannich kriichsmachtûnderdiel waard yn 1947, los fan it leger, wiene alle Martin B-26s al út tsjinst helle. De Douglas A-26 Invader krige doe de oantsjutting B-26 — foar't dy yn maaie 1966 syn eardere beneaming "A for Attack" werom krige.

Technyske gegevens

De B-26 fan trije kanten besjoen

Sjoch ek

Ferlykbere tastellen wat ûntwerp en rol oanbelanget:

• de Havilland Mosquito
• Dornier Do 217
• Douglas A-26 Invader
• Mitsubishi G4M
• North American B-25 Mitchell
• Vickers Wellington

Keppelings om utens

• Baugher, Joe. "Martin B-26 Marauder." Encyclopedia of American Aircraft.
• The Army Asked For A Miracle – The Answer Was The B-26 artikel út begjin 1943, fotoos fan de earste B-26s]
• B-26 Marauder Digital Collection by de Universiteit fan Akron Archival Services
• b26.com Side wijdt oan de bamanningen dy't mei de Marauder flein hawwe

Wikimedia Commons

Ofbylden dy't by dit ûnderwerp hearre, binne te finen yn de kategory Martin B-26 Marauder fan Wikimedia Commons.