Martenastate yn 2011
De fertutearze state yn 1899
Grêfhichte by de Martenastate

De âlde Martenastate wie in state yn Koarnjum. Hy waard yn 'e 15e en 16e iuw bewenne troch de Martena's, in wichtige aadlike famylje. It hûs waard letter eigendom fan de famylje Vegelin fan Claerbergen. De lêste bewenner wie Duco Martena van Burmania Vegelin van Claerbergen. Hy joech it hûs oan de tsjerke fan Koarnjum, dy't de âlde ferfallen state yn 1899 ôfbrekke liet.

De nije Martenastate waard ûntwurpen troch de Ljouwerter arsjitekt W.C. de Groot. It gebou stiet op in eilân yn 'e slotgrêft. It hûs hat neorenessansistyske trepgevels en liuwen op 'e toer. Eat wat de oandacht lûkt is de sipel boppe op 'e toer. De tagongspoarte (út 1620) by de yngong fan it park komt fan it ôfbrutsen Lânskipshûs yn Ljouwert.

Park Martenaste

It 4,5 bunder grutte park om de state is ien fan de rykste stinzetunen fan Fryslân. Yn de maitiid binne dêr ûnder mear Haarlimmer klokkespul, bosktulp, holwoartel, fingerhelmblom, blêdlok, giele anemoan, njirrewoartel en it boerekrookje te bewûnderjen. It behear fan it bûten wurdt dien troch It Fryske Gea.

Yn 2014 waard útein set mei it werombringen yn âlde steat fan it park dat eartiids yn lânskipsstyl oanlein waard. By dy gelegenheid kaam in noch ûnbekende hynstewâd yn de grêft fan de state oan it ljocht.[1]

Yn 2018 is Martenastate útwreide mei twa oangrinzjende perselen fan foarhinne Steatsboskbehear dy't in werynrjochting ûndergien hawwe ta in stinzefloarabosk en -singel. Yn novimber 2020 is de njonkenlizzende pleats oan de Martenawei 4 en it folsleine perseel taheakke oan it lânskipspark.[2]

Bewenners

Literatuer

  • Peter Karstkarel, Landgoed Martenastate Koarnjum. Friese Pers Boekerij 2014
  • Martenastate. Proeftuin van het paradijs? redaksje: Henk Popma en Tjitte Kamminga, Utjouwerij Wijdemeer, Dokkum 2018 ISBN 9789492052520
  • Stinzenplanten in Fryslân redaksje: Henk Buith, Stefien Smeding, Heilien Tonckens, Aad van der Burg, útjûn troch Noordboek, De Gordyk 2020 ISBN 9789056156220

Sjoch ek

Keppeling om utens

Boarnen, noaten en/as referinsjes:
  1. ↑ Frysk Deiblêd 20 oktober 2014, Paardenwed gevonden in water Martenastate, s.23
  2. ↑ Martena Zathe, Martenastate Koarnjum breidt uit met boerderij, 5 nov 2020, Omrop Fryslân
It Fryske Gea

Aeltsje- en Warkumermar • De Alde Feanen • Bancopolder • Bekhofskâns • De Bjirmen • Blauhúster Puollen • Bocht fan Molkwar • Botmar • Buismans Einekoai • It Bûtenfjild • Van Coehoornbosk • Dellebuorsterheide • It Diakonyfean • Dyksfearten • Dobben Hurdegarypsterwarren • Dunegeasterpolder • Eanjumer Kolken • Easterskar • Einekoaien Lytse Geast • De Fluezen • Follegeasterpolder • Grikelân en Turkije • Grutte Wielen • Heanmar • Heide Hulstreed • De Hon • Hop • Huitebuersterbûtenpolder • Ychtenerfeanpolder • Joadetsjerkhôf Noardwâlde • Joadsk Begraafplak Teakesyl • Jongemastate • Kapellepôle • Ketelermar • Ketliker Skar • Koarnwerterpolder • Kobbelân • Lindebosk • Lindefallei • Liphústerheide • Makkumersúdmarpolder • Makkumerwaarden • Mandefjild Bakkefean • Martenastate • Meulereed en Meulebosk • Mokkebank • Mûntsebuorsterpolder • Noard-Fryslân Bûtendyks • 't Oerd • Park Huzinge Olterterp • Park Martenastate • Peazemerlannen • Petgatten De Feanhoop • Ringwiel • Rengerspôle • De Ryp • Rysterbosk • Syp Set • Skiedingsboskje • Skieppedobbe • Slachte • Sodumermar • Steile Bank • Stokersdobbe • Sudermarpolder • Taconisbosk • Teroelster Sipen • Tsjongerwâlen • Unlân fan Jelsma • Warkumerwaard • 't West • Wikelerbosk • Wilhelmina-oard

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.