| lytse bûnte wilster | ||||||||||||
|---|---|---|---|---|---|---|---|---|---|---|---|---|
 | ||||||||||||
| taksonomy | ||||||||||||
| ||||||||||||
| soarte | ||||||||||||
| Charadrius dubius | ||||||||||||
| Scopoli, 1786 | ||||||||||||
| IUCN-status: net bedrige
| ||||||||||||
| ferspriedingsgebiet | ||||||||||||
 |
De lytse bûnte wilster (Charadrius dubius) is in wilster út it skaai fan de bûnte wilsters.
Foarkommen
De lytse bûnte wilster hat in wite ûnderkant, en de boppekant is brúngriis. By de hals hat er in swarte bân dy't rûnom rint. Fierder hat er in brede swarte eachstreek dy't nei de foarholle rint, om it each falt de giele eachring op. Hy hat in koarte donkere snaffel en brúngiele poaten. De lytse bûnte wilster is sa'n 15 oant 18 sm grut en waacht tusken de 25 en 55 gram.
Fersprieding
De lytse bûnte wilster komt foar yn Jeropa en West-Aazje. Hy siket syn briedgebiet by rivieren, it leafst op in keale wâlkant mei kiezelstientsjes. It is in trekfûgel dy't yn Afrika oerwinteret.
Fuortplanting
De lytse bûnte wilster makket in nêst op de grûn. It kûltsje wurdt mei plantemateriaal beklaaid. It wyfke leit meast fjouwer aaien, dy troch beide âlden sa'n fjouwer wike lang bebret wurde.
