Louw Dijkstra

Louw Dijkstra (Fryslân, 1958) is in Frysk útjouwer.

Libben en karriêre

Dijkstra studearre oarspronklik ôf as teolooch oan de RUG, mar fûn wurk as oersetter. Nei't er jierrenlang yn dy funksje aktyf west hie, rjochte er yn 1995 yn 'e mande mei Robert Seton Utjouwerij Bornmeer op. De folgjende tsien jier wurke Dijkstra mei oan 'e opbou fan in fûnskatalogus mei jonge Frysktalige skriuwers, oersettings út 'e wrâldliteratuer yn it Frysk, de berneboekerige Nijntje yn it Frysk en non-fiksje op alderlei mêd.

Yn 2005 fusearre Bornmeer mei Steven Sterk Utjouwerij, dy't noch mear rjochte wie op oersettings yn it Frysk. Dijkstra wie aktyf as útjouwer-redakteur foar Bornmeer. Op 9 jannewaris 2012 rjochte er syn eigen útjouwerij op, mei as namme Utjouwerij Wijdemeer. Dy is fêstige yn Dokkum en rjochtet him benammen op non-fiksje yn beheinde oplagen, sawol yn it Nederlânsk as yn it Frysk.

Boarnen, noaten en/as referinsjes:

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.