Limburch
folksliet: Limburg, Mijn Vaderland
polityk
lân	Nederlân
status	provinsje
oprjochting	1866
offisjele taal	Nederlânsk
haadstêd	Maastricht
tal gemeenten	31
kommissaris fan    de kening	Emile Roemer   (SP)
geografy
geograf. koördinaten	50°51' NB 5°41' EL
oerflak	2.209,85 km² (2015)
•  dêrfan lân	2.144,63 km²
•  dêrfan wetter	65,22 km²
rang provinsjes	9e fan 12
demografy
ynwennertal	1.133.1741
teldatum	1 jannewaris 2024
rang provinsjes	7e fan 12
befolkingstichtens	526 / km²
grutste plak	Maastricht
religy (2015)	64,5% roomsk-katoliken 27,9% ateïsten en agnosten 3,3% moslims 2,2% protestanten 2,1% oaren
oar
NUTS	NL42
ISO 3166-2	NL-LI
tiidsône	MET (UTC+1)
simmertiid	MEST (UTC+2)
offisjele webside
www.limburg.nl
1) boarne: CBS-StatLine

Limburch (2019)

Limburch (Nederlânsk: Limburg, Limburchsk: Limbörg) is in provinsje fan Nederlân mei 1.133.174 ynwenners (1 jannewaris 2024, boarne: CBS) op in oerflak fan 2.210 km². As provinsje ûntstie Limburch yn 1866 út it Hartochdom Limburch (in lidsteat fan it Dútske Bûn), dat sels yn 1839 ûntstien wie by de dieling fan Limburch.

Geografy

De Maas rint oer sawat de lingte fan de hiele provinsje fan súd nei noard. De provinsje hat der syn foarm oan te tankjen. Oare gruttere rivieren en streamen binne de Geul, Gulp, Roer en Swalm.

Yn 'e Tachtichjierrige Oarloch boude it Steatske leger fersterkingen oan 'e iggen fan 'e Maas. Limboarch is de iennichste Nederlânske provinsje dy't oan twa bûtenlannen grinzget: yn it westen en suden (Voeren) mei Belgysk Limboarch, yn it suden grinzget in smelle stripe lân oan 'e Belgyske provinsje Luik (boppedat is Limburch de iennichste Nederlânske provinsje dy't oan Walloanje grinzget ); yn it easten grinzget Dútslân oer de hiele lingte mei de Dútske dielsteat Noardryn-Westfalen. Yn it noarden grinzget de provinsje oan Gelderlân en yn it noardwesten oan Noard-Brabân.

It noarden en midden bestiet foar it grutste part út sângrûnen. Yn it midden en suden lizze brúnkoal en stienkoal net fier ûnder de grûn. Yn it suden komt krytstien (mergel) foar, dat op ferskate plakken oan 'e oerflakte sichtber wurdt. It krytstien of mergel waard brûkt as boumateriaal foar huzen. Yn Súd-Limburch binne troch de mynbou (brúnkoal/stienkoal) en it úthakken fan mergel ferskate grotten ûntstien.

It noarden en midden fan de provinsje binne relatyf flak, Súd-Limburch hat in heuvellânskip. Yn it uterste súdeasten fan Súd-Limburch leit in leechberchtme dat yn Dútslân oergiet yn de Eifel en yn Belgje yn de Ardennen. De Faalserberch is mei 321,5 meter (boppe seenivo) it heechste punt fan Europeesk Nederlân.

Untwikkeling ynwennertal

• 1850 – 204.000
• 1900 – 282.000
• 1960 – 882.000
• 1980 – 1.069.000
• 2000 – 1.141.000
• 2020 – 1.117.000
• 2023 – 1.128.000

Gemeenten

Limburch bestiet sûnt 2019 út 31 gemeenten.

Sjoch ek

• Limburch (Belgyske provinsje)
• Limburch (Belgyske stêd)
• Limburch oan de Lahn

Keppelings om utens

• Webstee fan de provinsje
• Limburg, Plaatsengids
• Statistieken provincie Limburg, AlleCijfers