Lily Carter
persoan yn de seksyndustry
persoanlike bysûnderheden
oare artyste-        nammen	Lili Carter, Lily B. Navaeh Lee
echte namme	Nicole Wood
nasjonaliteit	Amerikaansk
berne	15 april 1990
berteplak	Yoncalla (Oregon)
etnisiteit	Iersk Ingelsk
wurkpaad
wurksum as	neakenmodel, pornoaktrise
jierren aktyf	2010 – no
offisjele webside
lilycarter.com

Lily Carter, echte namme: Nicole Wood (Yoncalla (Oregon), 15 april 1990), is in Amerikaansk neakenmodel en pornografysk aktrise fan mingd Iersk-Ingelsk etnysk komôf. Har hjoeddeiske skûlnamme wurdt ek wol (mis)stavere as Lili Carter, en hja hat yn it ferline ek wol gebrûk makke fan 'e artystenammen Lily B. en Navaeh Lee. Carter sette yn 2010 útein mei in wurkpaad yn 'e Amerikaanske pornoyndustry en is dêrmei tige súksesfol. Yn 2013 wûn se sawol de AVN Award, de XRCO Award as de Xbiz Award yn 'e kategory bêste aktrise.

Libben en karriêre

Carter waard yn 1990 berne yn Yoncalla, yn 'e Amerikaanske steat Oregon. Yn 2010, doe't se tweintich jier wie, sette se útein mei in karriêre as webcamgirl wêrby't se solosekssênes die. Dêrby wurke se earst ûnder de skûlnamme Naveah Lee, mar naam se letter de skûlnamme Lily Carter oan. Dy basearre se op 'e namme fan mainstream-aktrise Lynda Carter, dy't yn 'e 1970-er jierren ferneamd waard yn 'e rol fan 'e superheldinne Wonder Woman.

Nei ferrin fan tiid begûn Carter ek lesbyske sênes te dwaan, en dêrnei folgen sênes mei manlike akteurs, hoewol't se úthâldt dat se eins lesbiënne is. Neffens de Internet Adult Film Database (IAFD) hat se sûnt 2010 yn mear as 180 pornofilms spile, û.m. foar sokke foaroansteande labels as Jules Jordan Video, Elegant Angel, New Sensations, Digital Sin, Devil's Film, Wicked Pictures, Evil Angel, Diabolic Video en Red Light District.

Dêrnjonken hat Carter ek wol yn 't spier west foar minder bekende studio's, lykas Pure Play Media, West Coast Productions, Mile High Media, Girlfriends Films en Third Degree Films. Ek hat se in protte wurke foar pornowebsiden op it ynternet, wêrûnder BangBros, Reality Kings, Brazzers, Naughty America, BlacksOnBlondes en Muffia. Yn 2013 wûn Carter de AVN Award (de Oscar fan 'e pornowrâld) yn 'e kategory bêste aktrise, foar har rol yn 'e film Wasteland. Foar dyselde rol wûn ek XRCO Award en de Xbiz Award foar bêste aktrise. Carter har leafhawwerijen binne kuierjen, tennis en lêzen.

Lichemsskaaimerken

Lily Carter is blank, mei blauwe eagen en brún hier. Neffens har offisjele opjefte is se 1.60 m lang, mei in gewicht fan 47 kg, en in natuerlike kupmaat 32B. Se hat gjin piercings, mar wol twa tatoeaazjes fan stjerren op har ûnderbúk, tusken har nâle en har fagina yn.

Prizen en nominaasjes

Keppelings om utens

• (in) Offisjele webside fan Lily Carter
• (in) Biografy en filmografy fan Lily Carter yn 'e Internet Movie Database (IMDb)
• (in) Biografyske gegevens en filmografy fan Lily Carter yn 'e Internet Adult Film Database (IAFD)
• (in) Biografyske gegevens fan Lily Carter op FreeOnes