| Kristiansund | ||
 | ||
| Kristiansund | ||
| Wapen | ||
 | ||
| Polityk | ||
| Lân |  Noarwegen | |
| Provinsje | Møre og Romsdal | |
| Gemeente | Kristiansund | |
| Sifers | ||
| Oerflak | 87 km2 | |
| Ynwennertal | 24.013 (2022) | |
| Befolkingstichtens | 80 inw./km | |
| Oar | ||
| Stifting | 29 juny 1742 | |
| Tiidsône | UTC+1 | |
| Simmertiid | UTC+2 | |
| Offisjele webside | ||
| kristiansund.kommune.no | ||
| Kaart | ||
  | ||
Net te betiizjen mei Kristiansand, in stêd yn it suden fan Noarwegen.
Kristiansund is in stêd en gemeente yn de Noarske provinsje Møre og Romsdal. De gemeente, mei 24.013 ynwenners (2022), bestiet út de stêd Kristiansund en it eilân Frei.
Skiednis
De stêd Kristiansund leit oan de kust fan Nordmøre en bestiet út meardere eilannen; Kirkelandet , Nordlandet en Innlandet.
It plakje Fosna wie yn 1520 bekend as in strânplakje, en is yn 1631 in wichtige haven. Yn 1742 krige Fosna stedrjochten ûnder de namme Christiansund (nei kening Kristiaan VI fan Denemark) De groei fan de stêd kaam doe mei troch de houteksport, en dêrnei fiskerij. Mar doe't dat net mear út koe, begûnen de ynwenners fisk te keapjen fan Lofaten, en dy waarden op 'e rotsen fan Kristiansund drûge. Sokke fisk, bekend as "klipfisk" (fisk fan de rotsen), waard letter it wichtichste eksportprodukt fan de stêd.
Yn april 1940 krige Kristiansund it swier te ferduorjen, troch Dútske bombardeminten, sa'n 90% fan de stêd waard troch Dútske fleantugen ferwoeste.
Nei in gemeentlike weryndieling kaam it Eilân Frei by de gemeente Kristiansund.
Ynfrastruktuer
De stêd wurdt oandien troch de fearboaten fan de Hurtigruten (in mear as hûndert jier âlde Noarske passazjiers- en transporttsjinst). It fleanfjild Kvernberget hat ynlânske ferbiningen mei Oslo, Bergen, Trondheim, Haugesund en Kristiansand. Sûnt 1992 ferbynt in 5,2 kilometer lange tunnel en twa brêgen Kristiansund mei it fêstelân fia de dyk RV 70. Dêrneist giet der in fearboat nei Trondheim. Tusken de 4 dielen fan de stêd fart, in lytsskalige feartsjinst. Dizze feartsjinst sette op 18 novimber 1867 útein en wurdt beskôge as de âldste transportmiddel fan de wrâld yn ûnôfbrutsen tsjinst.
Galery
Nordlandet kirke
Fearboat nei Trondheim
Fearboat tusken de eilannen fan Kristiansund
Fjoertoer fan Kristiansund
| Boarnen, noaten en/as referinsjes: | ||
|
