Kel Dor (inkeltal idem) binne in fiktyf ras fan bûtenierdske wêzens út 'e Star Wars-franchise, dy't yntrodusearre waarden yn 'e film Star Wars: Episode I – The Phantom Menace. Hja komme fan Dorin, in planeet yn 'e saneamde Utwreidingsregio fan it Stjerrestelsel, mei in atmosfear dy't ryk is oan helium.
Dat de Kel Dor har dêre ûntjûn hawwe, betsjut dat de soerstofrike atmosfearen dy't in protte oare planeten hawwe, eins giftich foar harren binne. Dêrom hawwe se ferlet fan spesjale beäzemingsmaskers om dêr te oerlibjen, dy't harren mûle en noas bedekke, en teffens fan eachbeskermers, dy't foarkomme dat harren eachfloeistof ferdampt yn in soerstofatmosfear.
Fan uterlik binne Kel Dor fierders humanoïde, yn 'e sin dat se krekt as minsken twa skonken en twa earms hawwe, en in gesicht mei de eagen, mûle en noas op it wenstige plak. Se hawwe trije fingers en in tomme oan eltse hân. Harren fleiskleurige hûd is leareftich en sa tsjûk dat se koart yn it fakuum fan 'e romte oerlibje kinne. Oan 'e sydkanten fan 'e holle hawwe Kel Dor útstulpings dy't heechûntwikkele bûtensintúchlike organen befetsje.
De kultuer fan 'e Kel Dor is basearre op 'e ferdieling yn clans. Genetysk binne Kel Dor besibbe oan 'e Gand en de Tognath, twa oare rassen fan bûtenierdske wêzens, dy't krektlyk beäzemingsmaskers en eachbeskermers drage moatte as se har thúswrâld ferlitte. Saakkundigen geane út fan ôfstamming fan ien mienskiplike foarâldersoarte.
Sjoch ek
Keppelings om utens
| Boarnen, noaten en/as referinsjes: |
| bûtenierdsk libben út Star Wars | |
|---|---|
| rassen fan yntelliginte bûtenierdske wêzens | |
| Aki-Aki • Cereänen • Chagrianen • Dugs • Ewoks • Geonosianen • Gorax • Gunganen • Hutts • Iktotchi • Jawa's • Kaleesh • Kaminoänen • Kel Dor • Lanniks • Mandalorianen • Mirialanen • Mon Calamari • Nautolanen • Neimoïden • Palliduvanen • Pau'anen • Quermianen • Thisspiasanen • Tholothianen • Togruta • Toydarianen • Tusken-kapers • Twi'leks • Ugnaughts • Utai • Wisties • Wookiees • Zabraks | |
| bûtenierdske floara en fauna | |
| bantha • fathier • orbak • porg • rancor • sarlacc • tauntaun • vulptex • wampa | |
| planeten út Star Wars | |
|---|---|
| Ahch-To • Alderaan • Bespin • Cantonica • Cereä • Champala • Christophsis • Corellia • Coruscant • Crait • Dagobah • Dathomir • Dorin • D'Qar • Eadu • Endor • Exegol • Geonosis • Glee Anselm • Hoth • Iktotch • Iktotchon • Iridonia • Jakku • Jedha • Kalee • Kamino • Kashyyyk • Kef Bir • Kessel • Kijimi • Lah'mu • Lannik • Malastare • Mandalore • Mimban • Mirial • Mon Cala • Mustafar • Naboo • Nal Hutta • Nar Shaddaa • Neimoïdia • Pasaana • Quermia • Ryloth • Savareen • Scarif • Shili • Takodana • Tana • Tatooine • Thisspias • Tholoth • Toydaria • Utapau • Vandor • Yavin | |