Joseph Noyon
politikus
nasjonaliteit Nederlânsk
bertedatum9 jannewaris 1737
berteplakSnits
stjerdatum18 novimber 1796
stjerplakSnits
Lid froedskip
amtsperioade1769-1795
Skepen
amtsperioade1786-1787
Boargemaster
amtsperioade1794-1795
opfolgerIzaak Vlink

Joseph Noyon (Snits, 9 jannewaris 1737 [1] – dêre, 18 novimber 1796) wie in keapman, lid fan de froedskip en boargemaster fan de stêd Snits. Hy stamde ôf út de hugenoatefamylje Noyon.

Libben en wurk

Noyon wie de âldste soan fan Petrus (ek Pytter) Noyon en Antie Thomas Gonggrijp. Hy boaske op 19 augustus 1759 op De Jouwer oan Geertruida Bernardus Munniks (1732 -1806). Nei it ferstjerren fan syn heit yn 1760 ferhuzen se nei syn âlderlik hûs "De Swaen" oan it Grutsân yn Snits.

Noyon wie keapman en ferfolle yn Snits inkelde regintefunksjes. Sa waard er yn 1769 lid fan de froedskip fan Snits. Yn 1773 en yn 1779 wie er boumaster, [2] yn 1786 skippen en yn 1794 boargemaster fan Snits. Nei de ynfal fan de Frânsen waard er ôfsetten as boargemaster.

Noyon stoar yn 1796 oan in kielsykte nei fiif dagen koarts.[3] Syn soan, de lettere notaris en belestingûntfanger Petrus Simeon Noyon soe yn 1815 ek lid wurde fan de froedskip fan Snits.


Boarnen, noaten en/as referinsjes:
Noaten
  1. ↑ Doopt 11 jannewaris 1737 (doopboek Sneek)
  2. ↑ in soarte fan wethâlder iepenbiere wurken (sjoch Noyon 2001:85)
  3. ↑ Famyljeberjochten - deaberjocht Joseph Noyon yn de Oprechte Haarlemse Courant, d.d. 26 novimber 1796
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.