Johannes Bureus

Johannes Thomae Agrivillensis Bureus, feitlik Johan Bure, (Uppsala, 1568 - 1652) wie in Sweedske (hof)argivaris en skriuwer.

Bureus waard maart 1568 yn Åkerby ûnder Uppsala berne as soan fan de luterske predikant Thomas Mattiae en Magdalena Burea.

Hy gie nei skoalle yn Uppsala en Stockholm en studearre letter ek yn Dútslân en Itaalje. 1591 boaske er oan Margaretha Mårtensdotter Bång

Al mei jonge jierren krige er niget oan esotearyske saken sa as de joadske Kabbala en de Roazekrusergeskriften. Fierders waard er yntrigearre troch de runestiennen dy't yn syn tiid noch in protte te finen wienen. Bureus is fral ferneamd wurden omdat hy runestiennen neitekene en oersette, in eigen rune-alfabet ('futhark') makke, in 'runelearboekje' skreau en dat ûnderwiisde oan de leden fan de Sweedske keninklike famylje. Bureus syn runesysyeem is in gefolch fan syn ûndersyk nei runen, mar waard ek beynfloede troch syn esotearyske ynteresses.

Wurk

  • Monumenta veterum Gothorum in patria, 1602
  • Runa-ABC-boken, 1611
  • Ara Foederis Therapici, 1616
  • FaMa e sCanzIa ReDUX, 1616
  • Monumenta Sveogothica Hactentus Exculpta, 1624
  • Adulruna Rediviva

Literatuer

  • Susanna Åkerman: Rose Cross Over The Baltic, 1998, Brill Academic Publishers, 264 siden, ISBN 90-04-11030-5
  • Susanna Åkerman: The Gothic Kabbalah: Johannes Bureus, Runic Theosophy and Northern Apocalypticism yn The Expulsion Of The Jews - 1492 and after, 1994, Garland, ISBN 0-8153-1681-X
  • Stephen Edred Flowers: Johannes Bureus and Adalruna, 1998, Rûna Raven Press
  • Thomas Karlsson: Adulruna und die gotische Kabbala, 2007, Roter Drache-edysje, 144 siden, ISBN 978-3939459040

Keppeling om utens

Wikimedia Commons Ofbylden dy't by dit ûnderwerp hearre, binne te finen yn de kategory Johannes Bureus fan Wikimedia Commons.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.