Jan Thomas (Easterlittens, 28 jannewaris 1682 - Surhústerfean, 26 july 1744) wie in boer en dopersk (leafde)preker.

Yn 1714 waard er beroppen op It Hearrenfean-De Knipe. Troch syn frijsinnigens hied er dêr ek in soad grifformearde tsjerkegongers. Al in yn 1716 printe preek hie de grifformearde klassis fan Sânwâlden argewaasje jûn, mar in op It Hearrenfean útjûn kategesaasjeboekje Kort Onderwijs voor de Jeugt út 1719 wie oanlieding ta maatregels. Nei in ferhoar troch de klassis en de grytman fan Skoatterlân waard hy út it amt set, wat de Steaten bekrêftigen. Yn 1720 skynt de skorsing opheft te wêzen. Hy naam ôfskied fan de gemeente It Hearrenfean (3 novimber 1720), dêrnei waard Jan Thomas preker yn Surhústerfean (1722-1744). Jan Joghems, in menniste learaar fan Drachten betocht him yn in 'lykreden'. De preek fan 1716 hat as tajefte: "Den eersten Psalm op het plat frijs berijmd'.