| Jacques Herb | ||
 sjonger en/of muzikant | ||
 | ||
| Herb yn 2005 | ||
| persoanlike bysûnderheden | ||
| echte namme | Jacques van Herp | |
| nasjonaliteit |  Nederlânsk | |
| berne | 28 maaie 1946 | |
| berteplak | Rotterdam | |
| wurkpaad | ||
| sjongtaal | Nederlânsk | |
| grutste hit(s) | Manuela | |
| jierren aktyf | 1970-no | |
| offisjele webside | ||
| www.jacquesherb.nl IMDb-profyl | ||
Jacques Herb, pseudonym fan Jacques van Herp, (Rotterdam, 28 maaie 1946), is in Nederlânske sjonger.
Libben en wurk
De sjonger Jacques Herb waard yn Rotterdam berne. Hy wie de jongste út in húshâlding fan trettjin bern. Amper fyftjin jier âld meunstere hy oan by de "wylde feart" en liet yn de ferskate seehavens syn talint as sjonger al hearre. Hy begelate himsels dêrby op syn gitaar. Yn 1970 waard er troch Pierre Kartner ûntdutsen by in talintejacht yn Scheveningen.
Trochbraak
Yn 1970 wûn Herb mei it nûmer De toreador (o, o, signorita) dat er sels skreau in talintejacht yn Scheveningen. Dy waard troch de AVRO op telefyzje útstjoerd. Sadwaande krige er kontakt mei Pierre Kartner dy't dêrnei foar him it nûmer Manuela bewurke, wêrmei't Herb in enoarme hit skoarde. It nûmer Maar een Man mag niet huilen wie ek noch goed foar 80.000 singles. Dêrnei krige Herb noch in pear lytse hits. Yn 1991 hie Herb in rol yn de film fan Paul Ruven, De Tranen Van Maria Marchita. Yn 2005 die Herb mei oan de reality-searje Bobo's in the Bush, dêryn waard er achtste.
Yn 2002 is Herb beneamd ta lid fan de Oarder fan Oranje-Nassau.
Op 22 april 2009 tekene er by VNC-produksjes út Zundert in platekontrakt foar it libben. Yn juny 2009 brocht Jacques Herb it nûmer Ik heb de zomer meegebracht út. Yn 2019 wie Herb gastartyst by de konserten fan De Toppers yn de Johan Cruijff ArenA. Yn 2022 ferskynde er yn in ôflevering fan it telefyzjeprogramma Secret Duets.
Trivia
De hit Manuela soarge foar populariteit fan dy foarnamme. Yn 1970 waarden der noch 143 famkes mei de namme Manuela berne. Yn 1971 wiene dat der 327. Dêrnei naam de populariteit fan de foarnamme wer ôf.
Diskografy
| Boarnen, noaten en/as referinsjes: |