Idzert fan Burmania (17 septimber 1594 - 5 desimber 1632) wie in grytman út it laach Fan Burmania.

Hy wie de soan fan Sjuck fan Burmania en Cnier fan Douma. Idzert waard yn Britsum begroeven.

Op 6 febrewaris 1613 wurdt hy neamd as studint yn Frjentsjer as Edsardus à Burmania. Fan 1622 oant 1632 wie hy grytman fan It Bilt. Syn namme stiet op de klok fan Dronryp. Idzert troude op 2 septimber 1620 yn Bitgum mei Suzanna fan Schwartzenberg en Hohenlansberg († 25 july 1624) in dochter fan George Wolfgang fan Schwartzenberg Hohenlansberg en Doedt fan Holdinga. Nei it ferstjerren fan syn earste frou wertroude Idzert op 11 juny 1626 mei Jel fan Cammingha ( ± 1610 - 21 febrewaris 1635), dochter fan Jarich fan Cammingha en Jetscke fan Mockema.

Ut dit twadde houlik kamen twa bern:

• Jarich fan Burmania.
• Suzanna Idzertsdr fan Burmania, berne 1629, ferstoarn yn Ljouwert op 2 jannewaris 1691. Se waard begroeven yn Waaksens op 14 jannewaris 1691.