In ideogram mei taf-felsreau ferwiist nei de mooglikheid om te iten.

In ideogram is in grafysk symboal dat in idee of konsept fertsjintwurdiget, los fan lykfol hokker spesifike taal of wurden. It komt etymologysk fan it Grykske ἰδέα, idéa ("idee"), en γράφω, gráphō ("skriuwe"). Guon ideogrammen binne inkeld begryplik troch foarkennis dy't harren troch de taskôger yn in beskaat maatskiplik ramt pleatse lit. Oaren bringe harren betsjuttings oer troch in likenis fan itjinge dat se ôfbylde mei in fysyk objekt. Ideogrammen fan dy lêste kategory wurde ek wol piktogrammen neamd.