| Hulthusen | ||
 | ||
| Polityk | ||
| Lân |  Dútslân | |
| Dielsteat |  Nedersaksen | |
| Lânkring |  Lier | |
| Gemeente | .png.webp){kind=small} Weener | |
| Sifers | ||
| Ynwennertal | 1.129 (31 desimber 2017) | |
| Oerflak | 9,23 km² | |
| Hichte | 6,90 m boppe NAP | |
| Oar | ||
| Postkoade | 26826 | |
| Offisjele webside | ||
| Webstee fan de gemeente Weener | ||
Holthusen is in Ortsteil fan de stêd Weener yn it Eastfryske Reiderlân.
.JPG.webp)
Geology
Holthusen leit op in hichte fan krekt wat ûnder NAP oant 6,9 meter boppe NAP op in geast westlik fan Weener en eastlik fan de A31 op 'e hichte fan de Autobahntrijesprong Bunde tusken Stapelmoor en Beschotenweg. Yn it westen grinzget Holthusen oan in heechfeangebiet, yn it noarden en easten oan de sângrûn fan de geast.
Skiednis
Fynsten út de stientiid wize op in iere bewenning fan it plak. Archeologyske fynsten út oar tiidrekken meitsje it oannimlik dat it plak permanint bewenne west hat. Yn 1472 wurdt Holthusen foar it earst yn in oarkunde neamd. De namme is platdútsk fan oarsprong en letterlik betsjut it "houten huzen" of "wâldhuzen" en ferwiist nei it bosk, dat hjir eartiids yn de omkriten stien hat.
Yn 'e midsiuwen makke Holthusen part út fan it Reiderlân, mar nei't it greefskip Eastfryslân de macht hjir konsolidearre, foegen de Sirksena's it by de fâdij Weener yn it amt Leerort. Nei de besetting fan East-Fryslân troch Nederlânske en letter Frânske troepen, hearde Holthusen sûnt 1807 by it kanton Jemgum yn it arrondissement Winschoten fan it Département Ems-Occidental. Nei't Napoleon ferslein wie, waard Holthusen wer by de fâdij Stapelmoor yn it amt Weener yndield, dat yn 1885 it Kreis Weener waard. Sûnt de opheffing fan it Kreis Weener yn 1932 makket Holthusen diel út fan it Landkreis Leer.
Sûnt 1 jannewaris 1973 is Holthusen in Ortsteil fan de stêd Weener.
Keppeling om utens
- Beskriuwing fan Holthusen yn de histoaryske doarpsdatabank fan it Ostfriesische Landschaft
| |
|---|---|
| Haadplak: Weener | |
| Doarpen: Beschotenweg • Diele • Dielerheide • Halte • Holthusen • Holthuserheide • Kirchborgum • Möhlenwarf • Sankt Georgiwold • Stapelmoor • Stapelmoorerheide • Tichelwarf • Vellage • Weenermoor | |