Ferskate soarten holdeksels.

In holdeksel of kopdeksel is de oantsjutting foar lykfol hokker stik klean dat op 'e holle droegen wurdt.

Doelen

Holdeksels tsjinje in ferskaat oan doelen:

• beskerming
  • tsjin kjeld;
  • tsjin hjittens;
  • tsjin sinnebrân;
  • tsjin rein en oare foarmen fan delslach;
  • tsjin fallende objekten (bgl. by bouprojekten);
  • tsjin botsings;
• om jins hier kibich te hâlden;
• ta fersiering of foar de moade;
• foar sedigens of ta maatskiplike tradysjes;
• foar religieuze doelen;
• foar medyske doelen;
• as teken in funksje of as ûnderdiel fan in unifoarm.

Soarten holdeksels

Oer it algemien kinne holdeksels yn sân kategoryen yndield wurde:

• fearretoaien: holdeksels makke fan fûgelfearren;
• helms: holdeksels fan in hurd materiaal, droegen ta beskerming;
• huodden: stevige holdeksels mei in râne rûnom;
• holdoeken: in doek dy't men om 'e holle hinne wuollet;
• kroanen: metalen holdeksels, faak mei in gat yn 'e midden, droegen troch monargen;
• mûtsen: sloppe holdeksels sûnder râne;
• petten: sloppe of stevige holdeksels mei in râne fan foarren.

Soms wurde dêr noch twa kategoryen oan taheakke:

• maskers: bedekkende assessoires foar oer it gesicht (ta beskerming of as momkape);
• pruken: protetyske hierstikken foar op 'e plasse.

Gallery

• 
  In Afrikaanske frou mei in holdoek op.
• 
  Napoleon, mei syn ikoanyske steek op.
• 
  In Arabyske man mei in fez op.
• 
  In Arabyske frou mei in sjaal om 'e holle wuolle yn 'e foarm fan in holdoek mei wale.
• 
  In Boroaro-Yndiaan út Brazylje mei in fearretoai op.
• 
  In sikh mei in tulbân op.
• 
  In man mei in hege hoed op.
• 
  In plysjeman yn Yndia mei in kepy op.