Harenkarspel
flagge	wapen
lokaasje
polityk
lân	Nederlân
provinsje	Noard-Hollân
sifers en geografy
haadplak	Tuitjenhorn
grutste plak	Warmenhuizen
ynwennertal	16.192 (1 jannewaris 2012)
befolkingstichtens	356 / km²
oerflak	54,84 km²
● wêrfan lân	45.53 km²
● wêrfan wetter	9,30 km²
tal doarpen	10
ferkearsieren	N245
skiednis
oprjochte	1990
1990-2012	Sint Maarten Warmenhuizen Harenkarspel
opheft	2012
opgien yn	Skagen
no part fan	Skagen
oar
netnûmer	0224, 0226
postkoade	1738, 1744-1749
tiidsône	UTC +1
simmertiid	UTC +2

Harenkarspel is in eardere gemeente yn 'e krite West-Fryslân fan 'e Nederlânske provinsje Noard-Hollân. De namme fan 'e gemeente wie oant yn 'e tweintichste iuw de namme foar de hjoeddeiske buorskip Kerkbuurt. It haadplak fan 'e gemeente wie lykwols Tuitjenhorn. Harenkarspel ûntstie yn 'e Frânske Tiid, en gie yn 2013 mei de gemeenten Skagen en Zijpe op yn 'e nije fúzjegemeente Skagen. De gemeente waard yn 1990 útwreide mei de doe ophefte gemeenten Sint Maarten en Warmenhuizen.

Harenkarspel as doarp

Oant yn de 20e iuw wie Harenkarspel ek in plaknamme. Om 1295 waard der in terp opwurpen eastlik fan Tuitjenhorn. Dêr kaam in tsjerkje op te stean mei wat bebouwing dêromhinne.

It foarste part fan de namme "Haren" wie in ferbastering fan hering itjinge "frij gebiet" betsjutte. Karspel is in âlde beneaming fan in tsjerkegemeente. It lân wie yn eigendom fan de Abdij fan Egmond. De abdij joech it foar in part yn 1289 yn lien oan de Hearen fan Egmond. De Hearen makken út dat it gebiet in frij plak wie om jin te fêstigjen: in hering dus. It wenplak Heringcarspel, dat troch de iuwen hinne ferskate staveringsfarianten hie, wie letter de namme fan de gemeente. Yn de 20e iuw waard it doarp omneamd ta Kerkbuurt (Tsjerkebuorren). Doe bleau allinnich de gemeentenamme ta oantinken oan dat frije gebiet oer. De herfoarme tsjerke fan Kerkbuurt waard yn 1923 ôfbrutsen. Kerkbuurt leit hjoed-de-dei yn it noardeasten fan d edoarpskearn fan Tuitjenhorn en is hjoed-de-dei dus in buorskip ûnder dat doarp.

Plakken yn de gemeente

De folgjende útbuorrens en buorskippen hearden by de gemeente: De Banne, Bliekenbos, Dijkstaal, Grootven, Huiskebuurt, Kalverdijk, Kerkbuurt, 't Rijpje, Schagerwaard, Schoorldam (foar in part), Slootgaard, Vennik (foar in part), De Weel (foar in part), Woudmeer en Zijbelhuizen.