| Halle Halle an der Saale | ||
 | ||
| Merkplein mei Reade Toer | ||
| Polityk | ||
| Lân | Dútslân | |
| Dielsteat | Saksen-Anhalt | |
| Distrikt | Stedsdistrikt Halle | |
| Sifers | ||
| Ynwennertal | 232.963 (2010) | |
| Oerflak | 135,01 km² | |
| Befolkingsticht. | 1.726 / km² | |
| Hichte | 87 m | |
| Oar | ||
| Tiidsône | CET/CEST (UTC+1/+2) | |
| Koördinaten | ||
| Offisjele webside | ||
| Webstee Halle | ||
.svg.png.webp)
Halle (d.i. Halle an der Saale) is de grutste stêd fan de Dútske dielsteat Saksen-Anhalt. De stêd leit sa'n 35 kilometer bewesten Leipzig oan de rivier de Saale. Halle is in stedsdistrikt (kreisfreie Stadt). Halle is ek de sit fan de Maarten Luther-Universiteit fan Halle-Wittenberg (stifte yn 1694 as Universiteit fan Halle) en fan trije hegeskoallen.
Ut de skiednis
Lykas oare plakken mei de namme Hall(e) is de stêd ta bloei kaam troch de sâltsiederij. De namme Halle wiist op in iere Keltyske delsetting, omdat 'halen' yn it Welsk en Bretonsk 'sâlt' betsjut. 'Saale' hat ek woartels yn it Alddútsk en tsjut ek op 'sâlt'. De saltwinning moat al yn de Brûnstiid oan de gong west hawwe (2300-600 f.Kr.). De stêd wurdt foar it earst yn 806 neamd. Yn dy tiid, fan Karel de Grutte, wie Halle in sintrum fan de sâltwinning.
Under de DDR wie Halle fan belang fanwege de gemyske yndustry. Sûnt it byelkoar gean fan East- en West-Dútslân leit de stêd har ta op de technologyoriïntearre bedriuwstakke, de multimedia en de itensguodyndustry: de âldste sûkelarjefabryk fan Dútslân is yn Halle festige.
De earste elektryske tramline fan Europa waard 1890 yn Halle iepene en foar it spoar is Halle in wichtich knooppunt.
Wiken fan Halle
Halle bestiet út de neifolgjende wiken: Altstadt, Ammendorf/Beesen, Am Wasserturm/Thaerviertel, Böllberg/Wörmlitz, Büschdorf, Damaschkestraße, Dautzsch, Diemitz, Dieselstraße, Dölau, Dölauer Heide, Freiimfelde/Kanenaer Weg, Frohe Zukunft, Gesundbrunnen, Gewerbegebiet Neustadt, Giebichenstein, Gottfried-Keller-Siedlung, Heide-Nord/Blumenau, Heide-Süd, Industriegebiet Nord, Kanena/Bruckdorf, Kröllwitz, Landrain, Lettin, Lutherplatz/Thüringer Bahnhof, Mötzlich, Nietleben, Nördliche Innenstadt, Nördliche Neustadt, Paulusviertel, Planena, Radewell/Osendorf, Reideburg, Saaleaue, Seeben, Silberhöhe, Südliche Innenstadt, Südliche Neustadt, Südstadt, Tornau, Trotha en Westliche Neustadt.
Keunst en kultuer
Museums
- Stiftung Moritzburg yn Slot Moritzburch
Berne yn Halle
- Samuel Scheidt (1587), Dútsk komponist
- Georg Friedrich Händel (1685), Dútsk komponist
- Johann Friedrich Naue (17 novimber 1787), Dútsk komponist
- Reinhard Heydrich (1904) Dútsk nazilieder
- Hans-Dietrich Genscher (1927), Dútsk minister, berne yn Reideburg dat doe noch net by Halle hearde
- Margot Honecker (1927), East-Dútsk politika en frou fan DDR-lieder Erich Honecker
- Paul Biedermann (7 augustus 1986), swimmer
- Georg Moritz Hagen Listing (31 maart 1987), bassist fan de band Tokio Hotel
Dom fan Halle
Histoaryske elektryske tram
Moritzburch
In wettertoer yn Halle