 Grevelingenmar |
 Grevelingenmar by Brouwershaven |
 Grevelingenmar |
De Grevelingenmar (foarhinne de Grevelingen) is in eardere see-earm fan de Noardsee. De mar leit tusken de eilannen Goeree-Oerflakkee en Skouwen-Duvelân, op de grins fan de provinsjes Súd-Hollân en Seelân. Yn it ramt fan de Deltawurken waard de Grevelingen troch de Grevelingendaam (1965) en de Brouwersdaam (1971) ôfsletten fan see.
De Grevelingenmar is it grutste sâltwettermar fan West-Europa en is fral fan belang foar de wettersport en rekreaasje. It sâlthalte fan de Grevelingenmar wurdt regele mei de Brouwersslûs, in trochlitslûs yn de Brouwersdaam, dêr't seewetter mei ynlitten wurdt.
In part fan de mar mei in oerflak fan 13.872 ha is beskerme Natuera 2000-gebiet.
Sliken en platen
De Grevelingenmar hat saneamde sliken:
- Sliken fan Flakkee.
- Sliken fan Bommenede.
De Grevelingenmar hat ek in tal eilantsjes (eardere sânplaten):
- Hompelfoet.
- Veermansplaat.
- Kabbelaarsbank. Dy is ferbûn mei de Brouwersdaam. It gebiet dat sa ûntstien is, is in natoergebiet, hat in kemping en Port Zélande.
- Dwars in de weg.
Keppelings om utens
- Aktuele ynformaasje - Rykswettersteat
- Natuera 2000 Gebietenfeitebank
- Natuer- en Rekreaasjeskip de Grevelingen
- De takomst fan de Grevelingen
- Info Battenoord
 Wikimedia Commons | Ofbylden dy't by dit ûnderwerp hearre, binne te finen yn de kategory Grevelingenmeer fan Wikimedia Commons. |